பாஜகவின் மாயாஜால வித்தைகள் தமிழ்நாட்டில் எடுபடாது என்றாா் மாநில இயற்கை வளங்கள் துறை அமைச்சா் எஸ். ரகுபதி.

புதுக்கோட்டையில் புதன்கிழமை அவா் அளித்த பேட்டி: பாஜக கூட்டணியின் செல்வாக்கு தமிழ்நாட்டில் எப்போதும் உயராது. திராவிட மாடல் ஆட்சி சிறப்பாக செயல்பட்டுக் கொண்டிருப்பதால் அவா்களின் மாயாஜால வித்தைகள் எதுவும் தமிழ்நாட்டில் எடுபடாது. உண்மையான திராவிட மாடல் ஆட்சிக்கும் தமிழ்நாடு முதல்வா் ஸ்டாலினுக்கும் துணை நிற்பவா்கள், அதில் என்றும் மாறமாட்டாா்கள்.

இரு அமைச்சா்களிடம் பேசி வருவதாக ஆதவ் அா்ஜூனா, ஜோசியம் சொல்வதற்கெல்லாம் பதில் சொல்ல முடியாது. எங்களிடம் யாரும் பேச்சுவாா்த்தை நடத்த முடியாது. நான் அதிமுகவுக்கு துரோகம் செய்துவிட்டதாக முன்னாள் அமைச்சா் ஜெயக்குமாா் பேசிவருகிறாா். நான் திமுகவுக்கு வந்து 25 ஆண்டுகள் ஆகிவிட்டன என்றாா் ரகுபதி.