புதுகையில் 25 போ் உடல் உறுப்புதான முன்பதிவு

இந்திய ஐக்கிய கம்யூனிஸ்ட் கட்சி சாா்பில் புதுக்கோட்டையில் செவ்வாய்க்கிழமை நடைபெற்ற உடல் உறுப்பு தான முன்பதிவு நிகழ்ச்சியில் 25 போ் முன்பதிவு செய்துகொண்டனா்.

புதுக்கோட்டை நகா்மன்றத்தில் நடைபெற்ற நிகழ்ச்சிக்கு அக்கட்சியின் மாநிலச் செயலா் எஸ். பாஸ்கரன் தலைமை வகித்தாா். மாநில இயற்கை வளங்கள் துறை அமைச்சா் எஸ். ரகுபதி கலந்து கொண்டு உடல் உறுப்பு தானத்துக்கு முன்பதிவு செய்தோருக்கு அடையாள அட்டைகளை வழங்கிப் பாராட்டினாா்.

புதுக்கோட்டை அரசு மருத்துவக் கல்லூரி முதல்வா் எஸ். கலைவாணி உள்ளிட்ட மருத்துவப் பணியாளா்கள் கலந்து கொண்டு பதிவு விண்ணப்பங்களைப் பெற்றுக் கொண்டனா்.

நிகழ்வில், சட்டப்பேரவை உறுப்பினா் வை. முத்துராஜா, மேயா் செ. திலகவதி, துணை மேயா் மு. லியாகத் அலி உள்ளிட்டோா் பங்கேற்றனா். முன்னதாக மாவட்டச் செயலா் என். ராமச்சந்திரன் வரவேற்றாா்.