தஞ்சாவூர் அரசர் மேல்நிலைப் பள்ளியில் கலை, பண்பாட்டுத் துறை சார்பில் கோடைகால கலைப் பயிற்சி முகாம் திங்கள்கிழமை (மே 1) தொடங்கப்படவுள்ளது.
இதுகுறித்து கலை, பண்பாட்டுத் துறையின் தஞ்சாவூர் மண்டலத் துணை இயக்குநர் இரா. குணசேகரன் தெரிவித்திருப்பது: தமிழ்நாடு அரசுக் கலை, பண்பாட்டுத் துறையின் கீழ் மாவட்டந்தோறும் சவகர் சிறுவர் மன்றம் அமைப்பை ஏற்படுத்தி 5 வயது முதல் 16 வயதுக்கு உள்பட்ட குழந்தைகளுக்குக் குரலிசை, நடனம், ஓவியம், கராத்தே, சிலம்பம் போன்ற கலைப் பயிற்சிகள் அளித்து படைப்பாற்றல் திறனை வளர்த்து வருகிறது.
இந்நிலையில், 2017 - 18 ஆம் ஆண்டுக்கான கோடைகால கலைப் பயிற்சி முகாம் தஞ்சாவூர் அரசர் மேல்நிலைப் பள்ளியில் திங்கள்கிழமை முதல் மே 10-ஆம் தேதி வரை 10 நாள்கள் காலை 9 மணி முதல் நண்பகல் 12 மணி வரை நடைபெறவுள்ளது.
இதில், குரலிசை, நடனம், ஓவியம், கராத்தே, சிலம்பம் ஆகிய கலைப் பயிற்சி வகுப்புகள் இலவசமாக அளிக்கப்படவுள்ளன. எனவே, தஞ்சாவூர் மாவட்டத்தைச் சேர்ந்த 5 வயது முதல் 16 வயதுக்கு உள்பட்ட குழந்தைகள் கலந்து கொள்ளலாம்.