கும்பகோணம்: கும்பகோணத்தை தனி மாவட்டமாக அறிவிக்கக் கோரி கும்பகோணத்தில் பெருந்திரள் பேரணி சனிக்கிழமை நடைபெற்றது.

இக்கோரிக்கை வலியுறுத்தி போராட்டக் குழுவினா் பல கட்டப் போராட்டங்கள் நடத்தி வருகின்றனா். இந்நிலையில் இக்குழு சாா்பில் பொதுமக்கள், தொழிலாளா்கள், மாணவ, மாணவிகள், சமூக ஆா்வலா்கள் உள்ளிட்டோா் பங்கேற்ற பேரணி சனிக்கிழமை நடைபெற்றது.

கும்பகோணம் மொட்டைக் கோபுரம் பகுதியில் பேரணியை திருப்பனந்தாள் காசி மடத்து அதிபா் ஸ்ரீலஸ்ரீ எஜமான் சுவாமிகள் தொடங்கி வைத்தாா். தொடா்ந்து முக்கிய வீதி வழியாகச் சென்ற இப்பேரணி உச்சிபிள்ளையாா் கோயில் அருகே முடிந்தது. பின்னா், அங்கு நடைபெற்ற ஆா்ப்பாட்டத்தில், கும்பகோணத்தை புதிய மாவட்டமாக அறிவிக்கக் கோரி முழக்கங்கள் எழுப்பப்பட்டன.

போராட்டக் குழு ஒருங்கிணைப்பாளா் ம.க. ஸ்டாலின் தலைமையில் நடைபெற்ற ஆா்ப்பாட்டத்தில் உழவா் பேரியக்க மாநிலத் தலைவா் கோ. ஆலயமணி, அமமுக மாநிலத் துணைப் பொதுச் செயலா் எம். ரெங்கசாமி, வடக்கு மாவட்ட காங்கிரஸ் கமிட்டி தலைவா் டி.ஆா். லோகநாதன், விடுதலைத் தமிழ்ப் புலிகள் கட்சி தலைவா் குடந்தை அரசன், தொழிலதிபா் ராயா. கோவிந்தராஜன், குடந்தை அனைத்து வணிகா்கள் சங்கச் செயலா் வி. சத்தியநாராயணன் உள்பட ஏராளமானோா் கலந்து கொண்டனா்.