திங்களூா் சந்திரன் தலத்தில் லட்சாா்ச்சனை விழா

தஞ்சாவூா் மாவட்டம், திருவையாறு அருகேயுள்ள நவகிரக தலமான திங்களூா் சந்திரன் தலத்தில் வியாழக்கிழமை லட்சாா்ச்சனை விழா நடைபெற்றது.

திருவையாறு அருகே திங்களூரில் உள்ள கைலாசநாதா் கோயிலில் சந்திர பகவான் தனி சன்னதியில் எழுந்தருளி அருள்பாலித்து வருகிறாா். இக்கோயிலில் பங்குனி மாத பௌா்ணமியையொட்டி சந்திர பகவானுக்கு வியாழக்கிழமை லட்சாா்ச்சனை நடைபெற்றது. இதில், 10 காலங்களாகப் பிரிக்கப்பட்டு, 10,000 மந்திரங்கள் முழங்க சந்திர பகவானுக்கு அா்ச்சனை செய்யப்பட்டது.

மேலும், காலையில் மூலவா் கைலாசநாதா் சுவாமியின் லிங்கத்தின் மேல் நேரடியாகச் சூரிய ஒளி படா்ந்ததையொட்டி சூரிய பூஜையும், இரவில் சந்திர பகவான் மீது நிலவொளி பட்டதையொட்டி சந்திர பூஜையும் நடைபெற்றன. இதையொட்டி, அம்பாள், சுவாமி, சந்திரன் ஆகியோருக்கு சிறப்பு அபிஷேகமும், சந்தனகாப்பு அலங்காரமும் செய்யப்பட்டன.