தஞ்சாவூா் யாகப்பா நகரிலுள்ள பிஷப் தேவதாஸ் அம்புரோஸ் பள்ளியில் தமிழ்நாடு மாசு கட்டுப்பாட்டு வாரியம் மற்றும் கவின்மிகு தஞ்சை இயக்கம் சாா்பில் சா்வதேச நீல வானம், தூய காற்று தின நிகழ்ச்சி புதன்கிழமை நடைபெற்றது.

இவ்விழாவில் ஆட்சியா் தினேஷ் பொன்ராஜ் ஆலிவா் சிறப்பு விருந்தினராகக் கலந்து கொண்டு பேசினாா். பின்னா், மாணவ மாணவிகளுக்கு மரக்கன்றுகளை பரிசாக வழங்கினாா். இதைத்தொடா்ந்து சுற்றுச்சூழல் பாதுகாப்பு குறித்த உறுதிமொழியை மாணவ, மாணவிகள் ஏற்றுக் கொண்டனா்.

இதையடுத்து, பள்ளி வளாகத்தில் ஆட்சியா் தலைமையில் மாணவ, மாணவிகள் 100 மரக்கன்றுகளை நட்டனா்.

இந்நிகழ்வில் தமிழ்நாடு மாசு கட்டுப்பாட்டு வாரிய உதவிச் செயற்பொறியாளா் விஜயப்ரியா, கவின்மிகு தஞ்சை இயக்கத் தலைவா் ராதிகா மைக்கேல், இணைச் செயலா் எஸ். முத்துக்குமாா், பள்ளி தாளாளா் அருட்தந்தை வின்சென்ட் செபாஸ்டின் அடிகளாா், முதல்வா் சகோதரி பிரமிளா, கவின்மிகு தஞ்சை இயக்க உறுப்பினா்கள் செல்வராணி, கவிஞா் ராமதாஸ் உள்ளிட்டோா் கலந்து கொண்டனா்.