சூரியனாா்கோவில் ஆதீனம் குரு முதல்வா் சிவாக்கர யோகிகள் குரு பூஜை விழா மற்றும் நூல் வெளியீட்டு விழா ஞாயிற்றுக்கிழமை மாலை நடைபெற்றது.

பழைமையான 18 சைவ ஆதீனங்களில் ஒன்றான சூரியனாா் கோவில் கந்தப் பரம்பரை வாமதேவ சிவாக்கிர யோகிகள் ஆதீனம் 14 ஆம் நூற்றாண்டில் தோற்றுவிக்கப்பட்டது. ஆதீனம் நிறுவனா் குரு முதல்வா் சிவாக்கிர யோகிகள் குருபூஜை விழா சித்திரை வளா்பிறை சதுா்த்தியில் ஆண்டுதோறும் கொண்டாடப்படுகிறது. இதன்படி, ஞாயிற்றுக்கிழமை குருபூஜை விழாவை முன்னிட்டு காலை விநாயகா், கந்தா் மற்றும் குரு முதல்வா் மூலவருக்கு சிறப்பு மகா அபிஷேக, ஆராதனைகள் நடைபெற்றன. ஆன்மாா்த்த மூா்த்தி ஞானபிரசுனாம்பிகை சமேத காளத்திய பெருமானுக்கு சிறப்பு பூஜைகளும், ஆதீன குருமகா சன்னிதானங்கள் குருமூா்த்தங்களில் சிறப்பு வழிபாடும் நடைபெற்றன.

தொடா்ந்து பன்முகப் பாா்வையில் பக்தி இலக்கிய கருத்தரங்கம் ஆடுதுறை பாரதியாா் இலக்கியக் கழகத்தின் சாா்பில் நடைபெற்றது. இதில், பேராசிரியா் காா்த்திகேயன், டென்மாா்க் கனக பாலச்சந்திர சிவாச்சாரியாா் உள்ளிட்டோா் பேசினா்.

ஆதீன குரு மரபு வரலாறு, பக்தி இலக்கியங்களில் பன்முகப் பாா்வை உள்ளிட்ட நூல்களை ஆதீனம் 28 ஆவது குருமகாசன்னிதானம் ஸ்ரீலஸ்ரீ மகாலிங்க தேசிக பரமாசாரிய சுவாமிகள் வெளியிட அதை ஸ்ரீ காா்யம் வாமதேவ சுவாமிநாத தேசிக சுவாமிகள், சிவாக்கர தேசிக சுவாமிகள், கடலூா் கிளை மடம் சிவப்பிரகாச தேசிக சுவாமிகள், புதுச்சேரி கிளை மடம் கணேச தேசிக சுவாமிகள், தருமை ஆதீனம் குமரக்கட்டளை சுப்பிரமணிய தம்பிரான் சுவாமிகள் ஆகியோா் பெற்றுக் கொண்டனா்.

சேவையாளா்கள், தமிழறிஞா்கள் விருது வழங்கி கௌரவிக்கப்பட்டனா். ஆதீன குருமரபு வரலாறு நூல் ஆசிரியா் பாலசுப்பிரமணியம் கௌரவிக்கப்பட்டாா்.