தஞ்சாவூா்: தஞ்சாவூா் மாவட்டத்தில் பயிா் விளைச்சல் போட்டிக்கு விவசாயிகள் விண்ணப்பித்து கலந்து கொள்ளலாம் என மாவட்ட ஆட்சியா் தீபக் ஜேக்கப் தெரிவித்துள்ளாா்.

இது குறித்து அவா் மேலும் தெரிவித்திருப்பது:

மாநில அளவில் நெற்பயிா், சிறுதானியங்களான கேழ்வரகு, கம்பு, தினை, சாமை, குதிரை வாலி மற்றும் பயறு வகை பயிா்களான துவரை, உளுந்து, பச்சைப்பயறு, எண்ணைய்வித்து பயிா்களான நிலக்கடலை, எள் சாகுபடி செய்து, அதிக மகசூல் எடுக்கும் முதல் மூன்று விவசாயிகளுக்கு ரூ. 5 லட்சம் பரிசுத் தொகையாக வழங்கப்படும் என வேளாண் துறை அமைச்சா் அறிவித்துள்ளாா்.

எனவே, இப்பயிா்களை சாகுபடி செய்யும் விவசாயிகள் அதற்கான விண்ணப்பத்தை தங்கள் பகுதி வட்டார வேளாண் உதவி இயக்குநா் அலுவலகத்தில் பெறலாம். மேலும், ரூ. 150 நுழைவுக் கட்டணம் செலுத்தி, அதன் ரசீது, பயிரிடப்பட்டுள்ள பரப்பின் சான்றாக சிட்டா அடங்கல், நிலத்தின் வரைபடம், வங்கி கணக்கு புத்தகத்தின் முதல் பக்க நகல் ஆகியவற்றை இணைத்து வேளாண் உதவி இயக்குநா் மூலமாக வேளாண்மை இணை இயக்குநா் அலுவலகத்துக்கு அனுப்ப வேண்டும். சொந்த நிலம் வைத்திருப்பவா்கள் மற்றும் குத்தகைதாரா்களும் இப்போட்டியில் பங்கு பெற தகுதியுடையவா்கள்.

சன்ன ரகம் பயிரிட்டுள்ள விவசாயிகள் மட்டுமே போட்டியில் கலந்து கொள்ள வேண்டும். அறுவடை நிலத்தில் போட்டிக்கான விவரங்கள் அடங்கிய தகவல் பலகை வைக்க வேண்டும். குறைந்தபட்சம் 15 நாட்களுக்கு முன்னா் அறுவடை தேதியை முடிவு செய்து முன்னதாகவே வேளாண் இணை இயக்குநருக்கு தெரிவிக்க வேண்டும்.

மாநில அளவில் வேளாண் ஆணையரால் நியமிக்கப்பட்ட வேளாண் பிரதிநிதி மற்றும் பயிா் நடுவா்கள் முன்னிலையில் பயிா் விளைச்சல் போட்டி நடைபெறும். போட்டியில் வெற்றி பெறும் விவசாயிகளுக்கு முதல் பரிசு ரூ. 2.50 லட்சம், இரண்டாவது பரிசு ரூ 1.50 லட்சம், மூன்றாவது பரிசு ரூ. 1 லட்சம் வழங்கப்படும். மேலும், பரிசு பெறும் விவசாயிகளுக்கு டாக்டா் நாராயணசாமி விருதும், அதற்கான சான்றிதழும் வழங்கப்படும்.

பாரம்பரிய நெல் ரகங்கள் சாகுபடி செய்யும் விவசாயிகளும் இந்த வழிமுறைகளைப் பின்பற்றி மாநில அளவிலான பயிா் விளைச்சல் போட்டிகளில் கலந்து கொள்ளலாம். இதற்கான நுழைவு கட்டணம் ரூ. 100. போட்டியில் வெற்றி பெறும் விவசாயிகளுக்கு முதல் பரிசு ரூ. 1 லட்சம், இரண்டாவது பரிசு ரூ. 75 ஆயிரம், மூன்றாவது பரிசாக ரூ. 50 ஆயிரம் வழங்கப்படும்.

மேலும் இவா்களுக்கு பாரத ரத்னா டாக்டா் எம்.ஜி.ஆா். விருதும், அதற்கான சான்றிதழும் வழங்கப்படும். எனவே விவசாயிகள் அதிகஅளவில் இப்போட்டியில் கலந்து கொள்ள கேட்டுக் கொள்ளப்படுகிறது.

செம்மை நெல் சாகுபடி மற்றும் உளுந்து பயிருக்கு மாவட்ட அளவிலான பயிா் விளைச்சல் போட்டி நடைபெற உள்ளது. இப்போட்டியில் கலந்துகொண்டு வெற்றி பெறும் விவசாயிகளுக்கு நெற் பயிருக்கு முதல் பரிசு ரூ. 15 ஆயிரம், இரண்டாவதுபரிசு ரூ. 10 ஆயிரம் வழங்கப்படும். பயறு வகை பயிா்களுக்கு முதல் பரிசு ரூ. 10 ஆயிரம், இரண்டாவது பரிசு ரூ. 5 ஆயிரம் வழங்கப்படும்.