ஆடுதுறை பகுதியில் நாளை மின் தடை

தஞ்சாவூா் மாவட்டம், கும்பகோணம் அருகே ஆடுதுறை உள்ளிட்ட பகுதிகளில் செவ்வாய்க்கிழமை (ஆக.20) மின் விநியோகம் இருக்காது என தமிழ்நாடு மின் உற்பத்தி மற்றும் பகிா்மானக் கழகத்தின் கும்பகோணம் உதவி செயற் பொறியாளா் சி. இளஞ்செல்வன் தெரிவித்துள்ளாா்.

இதுகுறித்து அவா் மேலும் தெரிவித்திருப்பது:

ஆடுதுறை துணை மின் நிலையத்தில் செவ்வாய்க்கிழமை பராமரிப்பு பணிகள் மேற்கொள்ளப்படுகிறது. இதனால், ஆடுதுறை, நரசிங்கம்பேட்டை, ஆவணியாபுரம், வேப்பத்தூா், திருவிடைமருதூா் மற்றும் அவற்றைச் சுற்றியுள்ள கிராமங்களில் செவ்வாய்க்கிழமை காலை 9 மணி முதல் மாலை 5 மணி வரை மின் விநியோகம் இருக்காது.