கடை வாடகைக்கு 18 சதவீத ஜிஎஸ்டியை எதிா்த்து தஞ்சாவூரில் வணிகா்கள் ஆா்ப்பாட்டம்

தஞ்சாவூா் தலைமை அஞ்சலகம் அருகே வணிகா் சங்கங்களின் பேரமைப்பினா், வாடகை மீதான 18 சதவீத ஜிஎஸ்டி விதிப்பை ரத்து செய்ய கோரி புதன்கிழமை ஆா்ப்பாட்டத்தில் ஈடுபட்டனா்.

தஞ்சாவூா் தலைமை அஞ்சலகம் அருகே புதன்கிழமை நடைபெற்ற ஆா்ப்பாட்டத்தில் ஈடுபட்ட வணிகா் சங்கங்களின் பேரமைப்பினா்.

இதில், கடை வாடகை மற்றும் கட்டடங்களுக்கு மத்திய அரசு விதித்துள்ள 18 சதவீத ஜிஎஸ்டி விதிப்பை ரத்து செய்ய வேண்டும். வணிகக் கட்டடங்களுக்கு ஏற்கெனவே 100 சதவீதம் வரி உயா்த்தப்பட்டுள்ள நிலையில், ஆண்டுதோறும் 6 சதவீத சொத்து வரி விதிக்கும் உயா்வைத் திரும்பப் பெற வேண்டும். வணிக உரிமை கட்டணம் மற்றும் தொழில் வரிகளின் உயா்வைத் திரும்பப் பெற வேண்டும்.

வணிகா்களிடம் சோதனை என்ற பெயரில் வருவாய்த் துறை, உணவுத் துறை, தொழிலாளா் நலத் துறை அலுவலா்களின் அநியாய அபராத கட்டண வசூலை தடுத்து நிறுத்த வேண்டும். மாநகராட்சி, நகராட்சி, பேரூராட்சி நிா்வாகங்களில் குப்பை வரியை மாநிலம் முழுவதும் சீராக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்துக்கு, மாவட்டத் தலைவா் ஆா். சூரியகுமாா் தலைமை வகித்தாா். மாவட்டச் செயலா் ஏ.வி.எம். ஆனந்த், மாவட்டப் பொருளாளா் ஆா். பாஸ்கா், துணைத் தலைவா்கள் இரா. நந்தகுமாா், கே. சண்முகராஜ், எஸ். கோவிந்தராஜ், தியாக. சுந்தரமூா்த்தி, டி. தாமரைச்செல்வன், என். வெங்கடேசன், ஏ.என். ஜெயராமன், ஜி. குமாா், மாநகரச் செயலா் ஆா். ஜெயக்குமாா் உள்ளிட்ட பலா் கலந்து கொண்டனா்.