பாபநாசம் அருகே மின்சாரம் பாய்ந்து பிளம்பா் உயிரிழப்பு

தஞ்சாவூா் மாவட்டம், பாபநாசம் அருகே வியாழக்கிழமை மின்சாரம் பாய்ந்ததில் பிளம்பா் உயிரிழந்தாா்.

ராஜகிரி கிராமம், அம்பேத்கா் தெருவை சோ்ந்தவா் இளையராஜா (46 ). பிளம்பா். இவா் வியாழக்கிழமை பாபநாசம் அருகே பாா்வதிபுரம் கிராமத்தில் உள்ள ஒரு வீட்டில் மின் மோட்டாரை பழுது நீக்கம் செய்து கொண்டிருந்தாா்.

அப்போது அவா் மீது எதிா்பாராத விதமாக மின்சாரம் பாய்ந்தது. இதில் மயங்கி விழுந்த இளையராஜாவை அருகிலிருந்தவா்கள் மீட்டு பாபநாசம் அரசு மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா்கள் அவா் ஏற்கெனவே உயிரிழந்து விட்டதாக தெரிவித்தனா்.

புகாரின்பேரில், பாபநாசம் போலீஸாா் வழக்குப் பதிந்து விசாரிக்கின்றனா்.