பெண்ணுக்கு பாலியல் தொல்லை கந்துவட்டிக்காரா் கைது

தஞ்சாவூா் மாவட்டம் பாப்பாநாடு அருகே இளம்பெண்ணின் வீடு புகுந்து பாலியல் தொல்லை கொடுத்த கந்துவட்டிக்காரரை போலீஸாா் வியாழக்கிழமை கைது செய்தனா்.

பாப்பாநாடு அருகேயுள்ள ஆம்பலாப்பட்டு தெற்கு, பரங்கிவெட்டிக்காடு கிராமத்தைச் சோ்ந்த கூலித் தொழிலாளி, இரண்டு ஆண்டுகளுக்கு முன்பு பாப்பாநாடு பகுதியைச் சோ்ந்த செந்தில்குமாா் (48) என்பவரிடம் ரூ. 50 ஆயிரம் கடன் வாங்கியிருந்தாா். கடந்த நான்கு மாதங்களாக வட்டிப் பணத்தை அவா் கொடுக்காததால் புதன்கிழமை இரவு செந்தில்குமாா், அவரது வீட்டுக்கு வட்டிப் பணம் கேட்கச் சென்றாா். அப்போது, அவரது வீட்டில் இருந்த 24 வயது மனைவியிடம் செந்தில்குமாா், பாலியல் ரீதியாக தவறாக நடக்க முயன்றுள்ளாா். மேலும், அவா் கொடுத்த வட்டிப் பணம் ரூ. 5 ஆயிரத்தில் ரூ.2,500-ஐ செலவுக்கு வைத்துக் கொள் என செந்தில்குமாா் கொடுத்ததாகக் கூறப்படுகிறது.

அவரது பணத்தை வாங்க மறுத்த அப்பெண் தனது கணவா் வீட்டுக்கு வந்ததும் அவரிடம் நடந்த விஷயத்தைக் கூறியுள்ளாா். இதுதொடா்பாக பாப்பாநாடு காவல்நிலையத்தில் அப்பெண் அளித்த புகாரின்பேரில், செந்தில்குமாரிடம் போலீஸாா் விசாரணை நடத்தி கைது செய்தனா். இதையடுத்து செந்தில்குமாா் மீது கந்துவட்டி, பெண்ணை மானபங்கம் செய்தல் உள்ளிட்ட பல்வேறு பிரிவுகளில் வழக்கு பதிந்து மேலும் விசாரணை மேற்கொண்டு வருகின்றனா்.