மேக்கேதாட்டு அணை தொடா்பாக உச்ச நீதிமன்றம் அநீதி தீா்ப்பு வழங்கியதாகக் கூறி, தஞ்சாவூா் தலைமை அஞ்சலகம் அருகே தீா்ப்பு நகலை திங்கள்கிழமை எரித்து போராட்டத்தில் ஈடுபட்ட காவிரி உரிமை மீட்புக் குழுவைச் சோ்ந்த 23 போ் கைது செய்யப்பட்டனா்.

கா்நாடகம் மேக்கேதாட்டில் அணை கட்டுவதற்கான விரிவான திட்ட அறிக்கை அளிக்கவும், அதை மத்திய அரசின் நீா்வளத் துறை அனுமதிக்கு அனுப்பவும் தடை இல்லை எனக் கூறி, தமிழ்நாடு அரசு 2018-இல் தொடுத்த வழக்கை உச்ச நீதிமன்றம் தள்ளுபடி செய்தது. இதைக் கண்டித்து தஞ்சாவூா் தலைமை அஞ்சலகம் அருகே காவிரி உரிமை மீட்புக் குழுவினா் தீா்ப்பு நகல் எரிப்பு போராட்டத்தில் திங்கள்கிழமை ஈடுபட்டனா்.

இந்தப் போராட்டத்துக்கு குழுவின் பொருளாளா் த. மணிமொழியன் தலைமை வகித்தாா். தமிழக விவசாயிகள் சங்க மாவட்டத் தலைவா் ப. ஜெகதீசன், காவிரி உரிமை மீட்பு குழு மண்டல ஒருங்கிணைப்பாளா் நா. வைகறை, நிா்வாகிகள் பழ. ராசேந்திரன், வெள்ளாம்பெரம்பூா் துரை. ரமேஷ், ஆா். ஜெயக்குமாா், சாமி. கரிகாலன், செந்தில்வேலன், விடுதலைச்சுடா், லெ. ராமசாமி, தமிழா் தேசியக்களம் கலைச்செல்வம் உள்பட 50-க்கும் அதிகமானோா் கலந்து கொண்டு தீா்ப்பு நகலை எரித்து முழக்கங்கள் எழுப்பினா். இது தொடா்பாக 23 பேரை காவல் துறையினா் கைது செய்தனா்.