திருச்சியில் ஜங்ஷன் மற்றும் கோட்டை ரயில் நிலையங்களுக்கு இடைபட்ட பகுதியில் தண்டவாளம் மற்றும் சிக்னல் பராமரிப்பு பணிகள் நடைபெறுவதால் செவ்வாய்க்கிழமை ரயில் போக்குவரத்தில்  தாற்காலிக மாற்றம் செய்யப்பட்டுள்ளது.
இது குறித்து தெற்கு ரயில்வே திருச்சி கோட்ட அலுவலகம் வெளியிட்டுள்ள செய்திக்குறிப்பு:  திருச்சி -கரூர்- திருச்சி இடையே இயக்கப்படும் பயணிகள் ரயில்  ( 76833 / 76834   ) செவ்வாய்க்கிழமை முற்றிலுமாக ரத்து செய்யப்படுகிறது. மேலும் திருச்சி  - ஈரோடு பயணிகள் ரயில் ( 56844 ) , திருச்சி பாலக்காடு பயணிகள் ரயில்  (56712 / 56713 )  ஆகியவை திருச்சி ஜங்ஷன் கோட்டை இடையே ரத்து செய்யப்பட்டு கோட்டை ரயில் நிலையத்திலிருந்து இயக்கப்படும்.
அதேபோல நாகர்கோவிலிலிருந்து திருச்சி வழியாக கச்சக்குடா வரை இயக்கப்படும் வாராந்திர விரைவு ரயில்  ( 16354  ) செவ்வாய்க்கிழமை காலை 8.10-க்கு பதிலாக 2 மணி நேரம் தாமதமாக 10.10-க்கு நாகர்கோவிலிருந்து புறப்படும். திருச்சி  - ஈரோடு பயணிகள் ரயில் (   56843  )  பிற்பகல் 4.10-க்கு பதிலாக 70 நிமிடம் தாமதமாக 5.20-க்கு திருச்சியிலிருந்து புறப்படும்.