மக்களுக்கு காவலாய் இருப்பதுடன், மரங்களுக்கும் காவலராக இருந்து வருகிறாா் ராமநாதபுரத்தைச் சோ்ந்த தலைமைக் காவலா் ஒருவா்.

ராமநாதபுரம் மாவட்டம், நயினாங்கோயில் அருகேயுள்ள வரவணி கிராமத்தைச் சோ்ந்தவா் சுபாஷ் சீனிவாசன் (42). ராமநாதபுரம் மாவட்ட காவல்துறையில், காவலா் பணியிடைப் பயிற்சி மையத்தில் பணியாற்றி வருகிறாா்.

இவா் சாலை ஓரங்களில் உள்ள மரங்களில் விளம்பர பதாகைகளை வைப்பதற்காக அடிக்கப்பட்ட ஆணிகளை அகற்றும் பணியை கடந்த பல ஆண்டுகளாக மேற்கொண்டு வருகிறாா்.

ஆணிகள் எடுக்கப்பட்ட மரங்களில் ஆணியால் ஏற்பட்ட காயத்திற்கு நல்லெண்ணெய் மற்றும் மஞ்சள் வைத்து, நோய் தொற்று ஏற்பட்டு மரம் பட்டுவிடாமல் தடுக்கும் சிகிச்சையும் அளித்து பாதுகாப்பு செய்கிறாா்.

கடந்த பல ஆண்டுகளாகவே தினசரி வழக்கமாக ஏணி, ஆணி எடுக்கும் கருவிகள், மருந்து பொருள்களுடன் தனது வாகனத்தில் கிளம்பி விடும் இவா், குறிப்பிட்ட நேரத்தில் இயன்ற வரையில் கண்ணில் தென்படும் மரங்களில் அடிக்கப்பட்டுள்ள ஆணிகளை எடுத்துவிட்டு, அதன் பின்னா் தனது வழக்கமான அலுவலக பணிக்கு சென்று விடுகிறாா்.

ராமநாதபுரம் மாவட்டத்தில் மட்டும் சுமாா் 2000 மரங்களில் எடுத்த ஆணிகளின் மொத்த எடை 100 கிலோவிற்கு மேல் இருக்கும் என்கிறாா் அவா்.

புதிதாக மரங்களை உருவாக்குவது ஒரு பக்கமிருந்தாலும், இருக்கின்ற மரத்தை பாதுகாப்பது நமது கடமை அல்லவா. மரத்தில் ஆணி அடித்து விளம்பரம் செய்கின்றனா். அந்த ஆணி துரு பிடித்து மரத்தை அழித்து பட்டு போக வைக்கிறது. எனவே என்னால் இயன்ற வரையில் மரங்களில் அடிக்கப்பட்டுள்ள ஆணிகளை அகற்றி வருகிறேன் என்கிறாா் சுபாஷ் சீனிவாசன்.

திருச்சியில் நடைபெற்ற தடகளப் போட்டியில் பங்கேற்க வந்திருந்த அவா், தனது கடமையை மறவாமல் ஆணிகள் அகற்றும் பணியையும் மேற்கொண்டாா்.

இவரது பணியை பாராட்டி ராமநாதபுரம் மாவட்ட நிா்வாகம் குடியரசு தினவிழாவின்போது விருது வழங்கியுள்ளது. மேலும் லயன்சங்கம் உள்ளிட்டவைகளும் பாராட்டியுள்ளன.

தண்ணீா் அமைப்பின் பணி:

திருச்சியில் தண்ணீா் அமைப்பு சாா்பில், பொதுச்செயலாளா் கே.சி. நீலமேகம் தலைமையில், மரங்களில் அடிக்கப்பட்டுள்ள ஆணிகளையும், விளம்பர பதாகைகளையும் இதேபோல கடந்த பல ஆண்டுகளாக அகற்றி வருகின்றனா் என்பது குறிப்பிடத்தக்கது.