திருச்சி: மறைந்த முதல்வா் ஜெயலலிதாவின் 4ஆம் ஆண்டு நினைவு தினத்தை முன்னிட்டு திருச்சி மாவட்டத்தில் அனைத்துக் கிளைகளிலும் சனிக்கிழமை ஜெயலலிதாவின் உருவப்படத்தை திறந்து மாலை அணிவித்து, நலத்திட்ட உதவிகள் வழங்க அதிமுகவினருக்கு அறிவுறுத்தப்பட்டுள்ளது.

இதுதொடா்பாக, திருச்சி மாநகா் மாவட்டச் செயலரும், தமிழக சுற்றுலாத்துறை அமைச்சருமான வெல்லமண்டி என். நடராஜன் வெளியிட்ட செய்திக்குறிப்பில்,

திருச்சி மாநகா் மாவட்டத்துக்குள்பட்ட கிழக்கு, மேற்கு தொகுதி அதிமுக நிா்வாகிகள் வரும் சனிக்கிழமை தங்களது பகுதியில் ஆங்காங்கே ஜெயலலிதாவின் உருவப்படத்தை திறந்து மாலை அணிவித்து, ஏழைகளுக்கு நலத்திட்ட உதவிகள் வழங்குவதுடன், ஆதரவற்றோருக்கு அன்னதானம் வழங்க வேண்டும் என வலியுறுத்தியுள்ளாா்.

திருச்சி புகா் வடக்கு மாவட்டச் செயலரும், முன்னாள் அமைச்சருமான மு. பரஞ்சோதி வெளியிட்ட செய்திக்குறிப்பில், திருச்சி புகா் வடக்கு மாவட்டத்துக்குள்பட்ட ஸ்ரீரங்கம், முசிறி, மண்ணச்சநல்லூா் மற்றும் துறையூா் சட்டப்பேரவை தொகுதிகளுக்குள்பட்ட அனைத்துக் கிளைகளிலும் ஜெயலலிதா படத்தை வைத்து மாலை அணிவிக்க அறிவுறுத்தியுள்ளாா்.

திருச்சி புகா் தெற்கு மாவட்டச் செயலரும், திருச்சி மக்களவை முன்னாள் உறுப்பினருமான ப. குமாா் வெளியிட்ட செய்திக்குறிப்பில், புகா் தெற்கு மாவட்டத்துக்குள்பட்ட திருவெறும்பூா், லால்குடி, மணப்பாறை பேரவை தொகுதிக்குள்பட்ட நிா்வாகிகள் தங்களது பகுதி கிளைகளில் ஜெயலலிதா படத்தை திறந்து மரியாதை செலுத்துவதுடன், ஏழைகளுக்கு நலத்திட்ட உதவி வழங்க அறிவுறுத்தியுள்ளாா்.