திருச்சியில் கரோனா தடுப்புப் பணியில் ஈடுபட்டிருந்த கிராம நிா்வாக அலுவலா் சாலை விபத்தில் புதன்கிழமை இரவு உயிரிழந்தாா்.

திருச்சி ஸ்ரீரங்கம் ராகவேந்திராபுரத்தைச் சோ்ந்தவா், ச. குமாா் (46). இவா், சிறுகமணி கிழக்கு பகுதியின் கிராம நிா்வாக அலுவலராக பணியாற்றி வந்தாா். இவருக்கு சேதுராப்பட்டி அரசு பொறியியல் கல்லூரியில் தனிமைப்படுத்தப்பட்டுள்ளவா்களுக்கு உதவும் வகையில் பணி ஒதுக்கப்பட்டிருந்தது. இதற்காக அவா் தனது இருசக்கர வாகனத்தில் தினமும் சேதுராப்பட்டி சென்று வந்தாா்.

இந்நிலையில் புதன்கிழமை இரவு பணி முடிந்து, இருசக்கர வாகனத்தில் திரும்பிக் கொண்டிருந்தாா். மன்னாா்புரம் மேம்பாலத்தில் வந்தபோது, பின்னால் வந்த மினி வேன் அவா் மீது மோதியது. இதில், பலத்த காயமடைந்த அவா் சம்பவ இடத்திலேயே உயிரிழந்தாா். இது குறித்து, திருச்சி மாநகர போக்குவரத்துப் புலனாய்வு, தெற்குப் பிரிவு போலீஸாா் வழக்குப் பதிவு செய்து விசாரணை மேற்கொண்டுள்ளனா்.

ஆட்சியா் அஞ்சலி : உயிரிழந்த குமாரின் உடல் திருச்சி அரசு மருத்துவமனையில் பிரேதப் பரிசோதனைக்குப் பின்னா் உறவினா்களிடம் வியாழக்கிழமை ஒப்படைக்கப்பட்டது. இதனையடுத்து அங்கு சென்ற மாவட்ட ஆட்சியா் சு. சிவராசு, குமாரின் உடலுக்கு அஞ்சலி செலுத்தினாா். பின்னா், இறுதிச் சடங்குகளுக்காக ரூ. 25,000 நிதிஉதவியை குடும்பத்தாரிடம் ஆட்சியா் வழங்கினாா். உயிரிழந்த குமாருக்கு மனைவி, இரு குழந்தைகளும் உள்ளனா்.

ரூ. 50 லட்சம் நிதி: கரோனா தடுப்பு மற்றும் பாதுகாப்புப் பணிகளில் ஈடுபட்டுள்ள அரசுப் பணியாளா்கள் இறந்தால், அவா்களது குடும்பத்தினருக்கு ரூ. 50 லட்சம் நிதியும், குடும்பத்தில் ஒருவருக்கு அரசுப் பணியும் வழங்கப்படும் என அரசு அறிவித்துள்ளது. அதன்படி, குமாரின் குடும்பத்துக்கு சேர வேண்டிய பணப்பயன் மற்றும் அரசுப் பணி உள்ளிட்டவற்றை அவரது குடும்பத்தினருக்கு வழங்க வேண்டும் என கிராம நிா்வாக அலுவலா்கள் சங்கம் வேண்டுகோள் விடுத்துள்ளது.