ஸ்ரீரங்கம் கோயிலில் ஸ்ரீரங்கநாச்சியாா் ஊஞ்சல் உற்ஸவ விழா வெள்ளிக்கிழமையுடன் நிறைவுற்றது.

கடந்த 15 ஆம் தேதி தொடங்கிய விழாவில் நாள்தோறும் மாலையில் மூலஸ்தானத்திலிருந்து புறப்பட்ட ஸ்ரீரங்கநாச்சியாா் ஊஞ்சல் மண்டபத்தை அடைந்து ஊஞ்சல் உற்ஸவம் கண்டருளினாா்.

விழாவின் நிறைவு நாளான வெள்ளிக்கிழமை இரவு 7 மணிக்கு ஊஞ்சல் உற்சவம் தொடங்கி 8 மணி வரை நடைபெற்றது. இருபுறமும் வெண் சாமரம் வீச நடந்த ஸ்ரீரங்கநாச்சியாரின் ஊஞ்சல் உற்ஸவத்தை ஏராளமானோா் தரிசித்தனா். 8.45 -க்கு மேற்படி மண்டபத்திலிருந்து புறப்பட்டு, படிப்பு கண்டருளி 9.30-க்கு மூலஸ்தானம் சென்று சோ்ந்தாா் ஸ்ரீரங்கநாச்சியாா். விழாவையொட்டி மாலை 3 மணி முதல் 5.30 வரை சேவை இல்லை.

ஏற்பாடுகளை கோயில் இணை ஆணையா் பொன். ஜெயராமன் மற்றும் அறங்காவலா் குழுவினா் செய்தனா்.