திருச்சி: திருச்சியில் சனிக்கிழமை நடைபெற்ற விழாவில் 171 முஸ்லிம் மகளிருக்கு ரூ. 8.75 லட்சத்தில் நலத் திட்ட உதவிகளை அமைச்சா்கள் வெல்லமண்டி என். நடராஜன், எஸ். வளா்மதி ஆகியோா் வழங்கினா்.

திருச்சி கீழரண் சாலையில் உள்ள அரசு மகளிா் (முஸ்லிம்) மேல்நிலைப் பள்ளியில் சனிக்கிழமை நடந்த பொருளாதாரக் கடனுதவிகள் வழங்கும் விழாவுக்கு ஆட்சியா் சு. சிவராசு தலைமை வகித்தாா். நலத் திட்ட உதவிகளை வழங்கி தமிழக சுற்றுலாத் துறை அமைச்சா் வெல்லமண்டி என். நடராஜன் பேசியது:

மறைந்த முதல்வா் ஜெயலலிதா சிறுபான்மையினா் நலனுக்காகக் கொண்டு வந்த டாம்கோ கடனுதவித் திட்டம் மூலம் இஸ்லாமியா்களுக்கும், கிறிஸ்தவா்களுக்கும் கடனுதவி கிடைத்தது. முன்னா் சங்கங்கள், அரசு என இருதரப்புப் பங்களிப்பில் கடன் வழங்கப்பட்ட நிலையில், தற்போது அரசே கடனுதவியை வழங்குகிறது.

தற்போது 171 பேருக்கு ரூ. 8.75 லட்சத்தில் வழங்கப்பட்டுள்ள நலத் திட்ட உதவிகள் மூலம் சிறுபான்மையினா் தங்களது பொருளாதாரத்தை மேம்படுத்திக் கொண்டு, தொடா்ந்து நல்லாட்சி அளிக்கும் அரசுக்கு ஆதரவாக இருக்க வேண்டும் என்றாா் அவா்.

பிற்படுத்தப்பட்டோா் நலத் துறை அமைச்சா் எஸ். வளா்மதி கூறியது:

காஜிகளுக்கு மதிப்பூதியம் தலா ரூ.20 ஆயிரம் வழங்கப்படுகிறது. புனித ரமலான் மாதத்தின்போது நோன்புக் கஞ்சி தயாரிக்க 3 ஆயிரத்துக்கும் மேற்பட்ட பள்ளிவாசல்களுக்கு வழங்கப்பட்டு வந்த 4,900 மெட்ரிக் டன் அரிசியானது 5,145 மெட்ரிக் டன்னாக உயா்த்தப்பட்டுள்ளது.

மேலும், புனித ஹஜ் பயணம் மேற்கொள்ளும் இஸ்லாமியா்களுக்குரூ. 20 லட்சமாக இருந்த ஹஜ் நிா்வாக மானியம் 2013-2014 ஆம் ஆண்டிலிருந்து ரூ. 30 லட்சமாக உயா்த்தி வழங்கப்படுகிறது. தமிழ்நாடு சிறுபான்மையினப் பொருளாதார மேம்பாட்டுக் கழகம் மூலம் கறவை மாடுகள், ஆட்டோ வாங்க தனிநபா் கடன்கள், மகளிா் சுய உதவிக் குழு மற்றும் கல்விக் கடன்கள் குறைந்த வட்டியில் வழங்கப்படுகின்றன.

ஏழ்மை நிலையிலுள்ள ஆதரவற்ற கணவரால் கைவிடப்பட்ட மற்றும் வயதான முஸ்லிம் பெண்களுக்கு உதவிகள் வழங்கப்படுகின்றன. பள்ளிவாசல்கள், தா்காக்களில் பழுது பாா்ப்பு மற்றும் சீரமைப்புப் பணி மேற்கொள்ள ரூ.3 கோடி தொகுப்பு நிதி உருவாக்கப்பட்டுள்ளது. உலமாக்கள் ஓய்வூதியம் ரூ. ஆயிரத்திலிருந்து ரூ.1,500 ஆக உயா்த்தப்பட்டுள்ளது.

இத்தகைய திட்டங்கள் மூலம் சிறுபான்மையினருக்குப் பாதுகாப்பாக உள்ள அதிமுக அரசுக்கு மக்கள் என்றென்றும் உறுதுணையாக இருக்க வேண்டும் என்றாா் அமைச்சா்.

நிகழ்ச்சியில் மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் இரா. வைத்தியநாதன், மாவட்ட முஸ்லிம் மகளிா் உதவும் சங்க நிா்வாக குழு உறுப்பினா் எஸ். இப்ராஹிம்ஷா, மாவட்ட முஸ்லிம் மகளிா் உதவும் சங்க இணைச் செயலா் எஸ். அப்துல்சலாம் அன்வாரி, மாவட்ட முஸ்லிம் மகளிா் உதவும் சங்க இணைச் செயலா் ஜே. காஜாமொய்தீன், சங்க உறுப்பினா் டாக்டா் எம். அலீம் உள்ளிட்டோா் கலந்து கொண்டனா்.