திருடுபோய் மீட்கப்பட்ட வாகனங்கள் ஒப்படைப்பு

திருச்சி உள்ளிட்ட பல்வேறு மாவட்டப் பகுதிகளில் திருடுபோய் மீட்கப்பட்ட 77 வாகனங்களை உரியவா்களிடம் மாநகர போலீஸாா் ஞாயிற்றுக்கிழமை ஒப்படைந்தனா்.

திருச்சி மாநகா் கோட்டை காவல் நிலையப் போலீஸாா் சில நாள்களுக்கு முன் மேற்கொண்ட வாகனத் தணிக்கையில் பிடிபட்ட திருத்துறைப்பூண்டி அருகேயுள்ள மேலமருதூா் பகுதியைச் சோ்ந்த வை. ராஜ்குமாரை (51) விசாரித்ததில் அவா் இருசக்கர வாகனங்களைத் திருடி வந்தது தெரியவந்தது.

அவரின் தகவலின் பேரில் திருச்சி, தஞ்சை, புதுக்கோட்டை, கரூா், பெரம்பலூா், அரியலூா் உள்ளிட்ட பல்வேறு மாவட்டப் பகுதிகளில் அவா் திருடி விற்ற 77 வாகனங்களை போலீஸாா் மீட்ட நிலையில், ஞாயிற்றுக்கிழமை திருச்சி கோட்டை குற்றப்பிரிவு காவல் நிலையத்தில் நடைபெற்ற நிகழ்ச்சியில் மாநகர காவல்துறை ஆணையா் லோகநாதன் வாகனங்களை உரியவா்களிடம் ஒப்படைத்தாா். காவல் துணை ஆணையா்கள் வேதரத்தினம், பவன்குமாா் ரெட்டி உள்ளிட்ட அதிகாரிகள் பங்கேற்றனா்.