திருச்சி விமான நிலைய ஓடுதள பராமரிப்பு பணியின் நேரம் மாற்றப்பட்டுள்ளது.

குறிப்பிட்ட கால இடைவெளியில் இப்பணி நடைபெறுவது வழக்கம். அதன்படி, கடந்த ஆகஸ்ட் தொடங்கி 6 மாதத்துக்கு திருச்சி விமான நிலைய ஓடுபாதை அதையொட்டியுள்ள பகுதிகளைப் பலப்படுத்தும், பராமரிப்பு பணி தொடா்ந்து நடைபெறுகிறது.

விமானங்கள் வருகை, புறப்பாடு சேவையைப் பொறுத்து நாள்தோறும் இரவு 11 மணிக்கு பணி தொடங்கி காலை 8 மணி வரை நடைபெற்று வந்தது. இந்நிலையில், பராமரிப்பு பணி நேரம் காலை 10 மணி முதல் மாலை 6 மணி வரை மாற்றப்பட்டுள்ளது. பணிகள் வரும் நவ. 24-க்குள் நிறைவடையும் என விமான நிலை வட்டாரங்கள் தெரிவித்தன.