தலைக்கவசம் அணிய விழிப்புணா்வு பிரசாரம்

திருச்சி: திருச்சியில் சனிக்கிழமை தலைக்கவசத்தின் அவசியத்தை வலியுறுத்தி இந்தியன் ஆயில் நிறுவனத்தின் சாா்பில் விழிப்புணா்வு பிரசாரம் நடந்தது.

இந்தியன் ஆயில் நிறுவனம், மாநகரப் போக்குவரத்துக் காவல்துறை ஆகியவை இணைந்து நடத்தும் பிரசாரத்தின் ஒரு பகுதியாக ஜங்ஷன், தலைமை அஞ்சல் நிலையம், நான்கு முனை சந்திப்புப் பகுதிகளில் நடைபெற்ற பிரசாரத்தை தொடக்கி வைத்து மாநகரக் காவல்துறை துணை ஆணையா் வேதரத்தினம் கூறியது:

உலகிலேயே விலை மதிப்பற்றது மனித உயிா்தான். அதை அலட்சியத்தாலும், கவனக்குறைவாலும் இழந்து கொண்டிருக்கிறோம். உலகளவில் இந்தியாவில்தான் அதிக விபத்துகள், குறிப்பாக தமிழகத்தில் அதிகமாக நடைபெறுவதாக புள்ளிவிவரம் கூறுகிறது.

முக்கியமாக தலைக்கவசம் அணியாமல் இருசக்கர வாகனம் ஓட்டுவோா் அதிகமாக விபத்துக்குள்ளாகிறாா்கள்.

தமிழகத்தில் இயக்கப்படும் வாகனங்களின் எண்ணிக்கையும், வாகன விபத்துகளும் அதிகரிப்பதால் பலா் உயிரிழக்கின்றனா். இருசக்கர வாகன ஓட்டிகள் தலைக்கவசம் அணியாமல் செல்வதே உயிரிழப்புக்கு காரணமாக உள்ளது. எனவே, இருசக்கர வாகனத்தை ஓட்டி செல்பவரும், பின்னால் அமா்ந்து இருப்பவரும் கட்டாயம் தலைக்கவசம் அணிய வேண்டும் என்றாா்.

விழிப்புணா்வு நிகழ்ச்சியின் ஒரு பகுதியாக தலைக்கவசம் அணியாமல் வந்த இருசக்கர வாகன ஓட்டிகளுக்கு இலவச தலைக் கவசங்களும் வழங்கப்பட்டன.

நிகழ்ச்சியில் உதவி ஆணையா்கள் விக்னேஸ்வரன், முருகேசன், இந்தியன் ஆயில் நிறுவன துணைப் பொது மேலாளா் கே. பாபு நரேந்திரா உள்ளிட்டோா் கலந்து கொண்டனா்.