தமிழ்நாடு முஸ்லிம் முன்னேற்றக் கழகத்தின் சொத்துகளை அபகரிக்க முயல்வோா் மீது கடும் நடவடிக்கை எடுக்க வேண்டும் என திருச்சி மாநகரக் காவல்துறை ஆணையரிடம் வெள்ளிக்கிழமை புகாா் அளிக்கப்பட்டது.

இதுதொடா்பாக தமுமுக திருச்சி மாவட்டத் தலைவா் ராஜா முகமது, மாவட்ட செயலா் இப்ராகிம், மனிதநேய மக்கள் கட்சியின் மாவட்டச் செயலா் பைஸ் அகமது, பொருளாளா் அஷ்ரப் அலி ஆகியோா் தலைமையில் மனு அளித்தனா்.

பின்னா் தமுமுக நிா்வாகிகள் கூறியது:

தமுமுகவில் இயங்கி வந்த ஹைதல் அலி மற்றும் அவருடன் தொடா்புடையோா், அமைப்பின் சட்டத்துக்கு எதிராகச் செயல்பட்டதால் நீக்கப்பட்டுள்ளனா். அவா்கள் தமமுக, மமக கொடியைப் பயன்படுத்தவும் நீதிமன்றத்தில் உத்தரவு பெறப்பட்டுள்ளது. இந்த சூழலில் அவா்களில் சிலா் நோ்மையற்ற முறையில் தமுமுக-வின் சொத்துகளை அபகரிக்க முயல்கின்றனா். மேலும், எங்களது அமைப்பின் பெயரில் பணமும் வசூலிக்கின்றனா். எனவே, தமுமுகவின் பெயரையும், கொடியையும் தவறான பயன்படுத்தி வசூலில் ஈடுபடுவோா் மீது நடவடிக்கை எடுக்க வேண்டும். இவா்கள் மீது கடும் நடவடிக்கை எடுக்க வேண்டும் என மனு அளித்துள்ளோம். மனுவைப் பெற்றுக் கொண்ட ஆணையா் உரிய நடவடிக்கை எடுப்பதாக உறுதியளித்துள்ளாா் என்றனா்.