ஸ்ரீரங்கம் அரங்கநாத சுவாமி திருக்கோயிலில் ஸ்ரீரங்கநாச்சியாா் வசந்த உற்ஸவ விழா சனிக்கிழமை மாலை தொடங்கியது.

ஸ்ரீரங்கநாதருக்கு நடைபெறும் அனைத்து விழாக்களும் ஸ்ரீரங்கநாச்சியாருக்கும் நடைபெறும். அதன்படி இந்த விழா கரோனா காரணமாக பக்தா்கள் பங்கேற்பின்றி தொடங்கியது. முதல் நாளன்று மாலை 6 மணிக்கு மூலஸ்தானத்திலிருந்து ஸ்ரீரங்கநாச்சியாா் புறப்பட்டு 6.30-க்கு வசந்த மண்டபம் வந்து சோ்ந்து, அலங்காரம் கண்டருளி எழுந்தருளினாா்.

பின்னா் இரவு 8.30-க்கு புறப்பட்டு 9 மணிக்கு மூலஸ்தானம் சென்று சோ்ந்தாா். வரும் 18 ஆம் தேதி வரை மேற்குறிப்பிட்ட நேரங்களில் வசந்த மண்டபத்தில் ஸ்ரீரங்கநாச்சியாா் எழுந்தருள்கிறாா்.

ஏற்பாடுகளை கோயில் இணை ஆணையா் செ. மாரிமுத்து மற்றும் அறங்காவலா் குழுவினா் செய்கின்றனா்.