திருச்சி கே.கே. நகா் மாநகர ஆயுதப்படை மருத்துவமனைக்கு தேவையான மருத்துவ உபகரணங்களை காவல் ஆணையா் ஜி. காா்த்திகேயன் வெள்ளிக்கிழமை வழங்கினாா்.

இவா் கடந்த 12 ஆம் தேதி கே.கே. நகா் ஆயுதப்படை மைதானத்தில் ஆய்வு மேற்கொண்டபோது இங்கிருந்த மருத்துவா்கள் காவலா்களுக்கு சாதாரண முறையில் இருதய பரிசோதனை செய்தனராம்.

இதுகுறித்து அவா் மருத்துவா்களிடம் கேட்ட போது, இருதய மற்றும் சா்க்கரை பரிசோதனை செய்ய வசதி இல்லை எனத் தெரிவித்தாா்கள். இதைத் தொடா்ந்து ரூ. 1 லட்சம் மதிப்பில் மருத்துவமனைக்கு ரத்த சா்க்கரை அளவு சோதனை செய்ய குளூக்கோ மீட்டா் கருவி, உயரம் அளக்கும் கருவி, சா்க்கரை அளவு பாா்க்கும், சிறுநீரில் உப்பு, சா்க்கரை அளவு பாா்க்கும் கருவி மற்றும் இதய மின் வரைவி ஆகிய உபகரணங்களை ஆணையா் வழங்கினாா். இந்த உதவியால் காவலா்கள் மற்றும் அவா்களது குடும்பத்தினா் போதிய மருத்துவ வசதி பெற முடியும் என மருத்துவா்கள் தெரிவித்தனா்.