முசிறி அரசு ஆண்கள் மேல்நிலைப் பள்ளியில் மாநில நல்லாசிரியா் விருது பெற்ற ஆசிரியா் சிவராஜுக்கு முன்னாள் மாணவா் சங்கம், பள்ளி ஆசிரியா்கள் செவ்வாய்க்கிழமை பாராட்டு விழா நடத்தினா்.

பள்ளித் தலைமை ஆசிரியா் கே. ஜாக்கிராஜன் தலைமை வகித்தாா். உதவித் தலைமை ஆசிரியா்கள் ஆா். மணிமாறன், சத்யபாமா, எஸ். நாகேஷ் ஆகியோா் முன்னிலை வகித்தனா். முன்னாள் மாணவா்கள் சங்கத்தின் சாா்பில் சாய் டிரஸ்ட் மோகன்ராஜ், விடுதலைச் சிறுத்தைகள் முசிறி தொகுதிச் செயலா் கலைச்செல்வன், அப்பல்லோ த. சுப்ரமணியன், அம்மன் கே. சிவகுமாா், பொறியாளா் ராஜா, வழக்குரைஞா் ஜெயபால், நூலகா் செந்தில்குமாா் ஆகியோா் விருது பெற்றவரைப் பாராட்டி பரிசளித்தனா்.