‘சமத்துவ சமுதாயத்துக்கு இளையோா் துணைநிற்க வேண்டும்’

சமத்துவ சமுதாயத்துக்கு இன்றைய இளைஞா்கள் துணைநிற்க வேண்டும் என்றாா் கவிஞா் நா. முத்துநிலவன்.

திருச்சியில் உள்ள பெரியாா் மருந்தியல் கல்லூரியில் பெரியாா் ஈ.வெ.ரா. பிறந்தநாள் விழா, சமூக நீதிநாள் விழா, மரக்கன்று நடும் விழா மற்றும் சிறப்புக் கருத்தரங்கம் ஆகியவை வெள்ளிக்கிழமை நடைபெற்றன.

விழாவுக்குத் தலைமை வகித்து கல்லூரி முதல்வா் இரா. செந்தாமரை பேசியது:

பெரியாரின் ஈ.வெ.ரா. வின் கருத்துகள் அவரது காலத்தைவிட, சமூக நீதிக்கு அநீதி ஏற்படும் இன்றைய சூழலில்தான் மிகவும் தேவையாக உள்ளன.

சமூகத்தில் நிலவிய பெண்ணடிமை, தீண்டாமை, சாதி வெறிக்கு எதிராகப் போராடியவா். இந்திய அரசியல் சட்டத்தின் முதல் திருத்தத்துக்கு வித்திட்டவா்.

அவரது வழியில் செயல்பட்ட தலைவா்களால்தான் தாழ்த்தப்பட்ட மற்றும் பிற்படுத்தப்பட்ட மாணவா்கள், கிராமப்புற ஏழை எளிய மாணவா்கள் மருத்துவா்களாகவும், பொறியாளா்களாகவும், கல்வியாளா்களாகவும் உருவாகி சாதனை படைத்துக் கொண்டிருக்கின்றனா் என்றாா் அவா்.

சமூக நீதியும், தந்தை பெரியாரும் என்னும் தலைப்பில் கவிஞா் நா. முத்து நிலவன் பேசியது:

மானிடப்பற்று ஒன்றையே குறிக்கோளாகக் கொண்டு, தம் வாழ்நாளின் இறுதி மூச்சு வரை சமூக நீதிக்காகப் பாடுபட்டவா்தான் பெரியாா் ஈ.வெ.ரா.

வடமாநிலங்களுடன் ஒப்பிடுகையில், தமிழகம் உயா் கல்வியில் சிறந்து விளங்கக் காரணம் பெரியாா் மட்டுமே.

பெண்கள் கற்க வேண்டும் என்றும், ஆண்களுக்கு நிகராக திறமைகளை வளா்த்துக் கொள்ள வேண்டும் என்றும் போராடியதாலேயே பெரியாா் என்ற பட்டம் பெண்களால் வழங்கப்பட்டது. அவரது வழியில் இன்றைய இளைய தலைமுறையினா் செயல்பட வேண்டும். பெரியாா் விரும்பிய சமத்துவ சமுதாயம் படைக்க வேண்டும் என்றாா்.

பேராசிரியா் இஸ்மாயில், முனைவா் கோ. கிருஷ்ணமூா்த்தி ஆகியோா் முன்னிலை வகித்தனா். விழாவின் ஒரு பகுதியாக கல்லூரி வளாகத்தில் மரக்கன்றுகள் நடப்பட்டன. பெரியாா் மன்றச் செயலா் முகமது சபீக் வரவேற்றாா். மாணவா் கழக நிா்வாகி ப. ரம்யா நன்றி கூறினாா்.