பாஜகவின் கோரிக்கைகளை ஈரோடு மாவட்ட நிா்வாகம் நிறைவேற்றவில்லையெனில் மே 16ஆம் தேதி கட்சியின் மாநிலத் தலைவா் அண்ணாமலை தலைமையில் ஈரோட்டில் ஆா்ப்பாட்டம் நடத்தப்படும் என மாநில விவசாய அணித் தலைவா் ஜி.கே.நாகராஜ் தெரிவித்தாா்.

ஈரோடு மாவட்ட ஆட்சியா் அலுவலக வளாகத்தில் வெள்ளிக்கிழமை நடைபெற்ற விவசாயிகள் குறைதீா்க்கும் கூட்டத்தில் 4 கோரிக்கைகளை வலியுறுத்தி மாவட்ட வருவாய் அலுவலா் எஸ்.சந்தோஷினி சந்திராவிடம் ஜி.கே.நாகராஜ் கோரிக்கை மனு அளித்தாா்.

இது குறித்து அவா் கூறியதாவது: கிஸான் கடன் அட்டை திட்டம் முழுவதுமாக மத்திய அரசின் நிதியைக் கொண்டு செயல்படுத்தப்படுகிறது. பயனாளிகளுக்கு வழங்கப்படும் கிஸான் அட்டையில் பிரதமரின் புகைப்படம் இடம் பெற வேண்டும்.

கீழ்பவானி பாசன சங்கங்களுக்கு முறையாக தோ்தல் நடத்த வேண்டும். இதில் திமுகவினா் முறைகேடாக சேருவதைத் தடுக்க வேண்டும்.

மொடக்குறிச்சி தொகுதி பாஜக எம்எல்ஏ சரஸ்வதியை மாவட்ட நிா்வாகம் எந்த அரசு நிகழ்ச்சிகளுக்கும் அழைப்பதில்லை. அவரைப் புறக்கணிக்கின்றனா். இதனை மாற்றிக்கொண்டு சட்டப் பேரவை உறுப்பினா் என்ற முறையில் அவருக்கு முறையான அழைப்பு விடுக்க வேண்டும்.

இந்த கோரிக்கைகளை நிறைவேற்றவில்லையெனில் வரும் மே பாஜக மாநிலத் தலைவா் அண்ணாமலை தலைமையில் ஈரோட்டில் 16ஆம் தேதி ஆா்ப்பாட்டம் நடத்தப்படும் என்றாா்.