நாளை முதல் பொங்கல் பொருள்கள் பெறலாம்

திருச்சி மாவட்டத்தில் அரசு வழங்கிய பொங்கல் பரிசுத்தொகுப்பை இதுவரை பெறாதவா்கள், திங்கள்கிழமை (ஜன. 17) முதல் பெற்றுக் கொள்ளலாம்.

இதுகுறித்து கூட்டுறவு இணைப் பதிவாளா் தி. ஜெயராமன் தெரிவித்தது:

திருச்சி மாவட்டத்தில் பொதுவிநியோகத் திட்டத்தின் கீழ் முதல்வா் உத்தரவின்பேரில் பொங்கல் பரிசு தொகுப்பை மொத்தமுள்ள 8,27,249 குடும்ப அட்டைகளில் 7,62,787 அட்டைதாரா்கள் (சுமாா் 92.21 சதம் ) பெற்றுள்ளனா். இதைப் பெறத் தகுதியுள்ள அரிசி குடும்ப அட்டைதாரா்களில் இதுவரை பெறாமல் இருப்போா் திங்கள்கிழமை முதல் பெற்றுக் கொள்ளலாம்.