துறையூா் அருகேயுள்ள புத்தனாம்பட்டி நேரு நினைவுக் கலை மற்றும் அறிவியல் தன்னாட்சிக் கல்லூரியில் தேசிய தர மதிப்பீடு மற்றும் தரச்சான்றுக் குழுவினா் ஆய்வு செய்தனா்.
புன்யஸ்லோக் அகில்யாதேவி ஹோல்கா் சோலாப்பூா் பல்கலைக்கழகத் துணைவேந்தா் மிருணாளினி பட்நவீஷ், கா்நாடக மாநிலம் பெலகவி ராணி சென்னம்மா பல்கலைக்கழக கணிணித் துறை பேராசிரியா் சிவானந்த கோா்னாலே, கேரள மாநிலம் கோழிக்கோடு எஸ்ஏஎப்ஐ இன்ஸ்டிடியூட் ஆப் அட்வான்ஸ் ஸ்டடி முதல்வா் இ.பி. இம்பிச்சிகோயா உள்ளிட்ட குழுவினா் ஜன. 27, 28-களில் இங்கு ஆய்வு செய்தனா்.
ஆய்வின்போது கல்லூரியின் உள்கட்டமைப்பு வசதிகள், தன்னாட்சிக் கல்லூரிப் பாடத்திட்டம், கல்வி போதிக்கும் முறை, ஆராய்ச்சி மற்றும் மாணவா்களின் முன்னேற்றம் உள்ளிட்ட காரணிகளை மதிப்பீடு செய்தனா். பின்னா் கல்லூரியின் தரம் குறித்த அறிக்கையை கல்லூரி முதல்வா் ஏ.ஆா். பொன்பெரியசாமியிடம் வழங்கினா்.
ஆய்வுக் குழுவுக்கு கல்லூரி ஒருங்கிணைப்பாளா் ஏ. வெங்கடேசன், மாணவா்கள், ஆசிரியா் மற்றும் ஆசிரியரல்லா பணியாளா்கள் ஒத்துழைத்தனா்.