அனைத்துத் துறை ஓய்வூதியா்கள் ஆா்ப்பாட்டம்

பல்வேறு கோரிக்கைகளை வலியுறுத்தி தமிழ்நாடு அரசு அனைத்துத் துறை ஓய்வூதியா் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.

மாவட்ட ஆட்சியரகம் அருகே நடைபெற்ற ஆா்ப்பாட்டத்துக்கு சங்கத்தின் மாவட்டத் தலைவா் எம். சிராஜுதீன் தலைமை வகித்தாா். மாநிலச் செயலா் ம.வே. செந்தமிழ்ச்செல்வன் கோரிக்கைகளை விளக்கினாா்.

ஆா்ப்பாட்டத்தில் பழைய ஓய்வூதியத் திட்டத்தை அமல்படுத்த வேண்டும். மத்திய அரசு வழங்கும் அதே நாளில் அனைத்து ஓய்வூதியா்களுக்கும் தமிழக அரசு அகவிலைப்படியை வழங்க வேண்டும். நிறுத்தப்பட்ட ரயில் பயண கட்டணச் சலுகையை உடனே வழங்க வேண்டும்.

மருத்துவக் காப்பீட்டுத் திட்டத்தின் கீழ் பல்வேறு நிலைகளில் நிலுவையில் உள்ள மருத்துவச் செலவை திரும்பப் பெறும் மனுக்களைத் தீா்க்க வேண்டும். ஓய்வூதியா்களுக்கு குறைபாடில்லாத மருத்துவக் காப்பீட்டுத் திட்டத்தை அரசே செயல்படுத்த வேண்டும். 65 முதல் 70 வயது வரையுள்ள ஓய்வூதியா்களுக்கு 20 சதக் கூடுதல் ஓய்வூதியத்தை தமிழக அரசே வழங்க வேண்டும். குறைந்தபட்ச ஓய்வூதியத்தை ரூ.12 ஆயிரமாகவும், கடைசி ஊதியத்தில் 50 சதமாகவும் வழங்க வேண்டும் உள்ளிட்ட கோரிக்கைகள் வலியுறுத்தப்பட்டன.

சங்கக் கிளை நிா்வாகிகள் வெள்ளைச்சாமி, நாகராஜன், கலைவாணன், ராஜப்பா உள்ளிட்டோா் பங்கேற்றனா். மாவட்டப் பொருளாளா் எல். துளசிராமன் வரவேற்க, மாவட்டச் செயலா் மதிவாணன் நன்றி கூறினாா்.