கே.என். ராமஜெயம் கொலை வழக்கு திருச்சியில் 20 பேருக்கு இன்றுஉண்மை கண்டறியும் சோதனை

திருச்சியில் தொழிலதிபா் கே.என்.ராமஜெயம் கொலை வழக்குத் தொடா்பாக, 20 பேரிடம் சனிக்கிழமை உண்மை கண்டறியும் சோதனை நடைபெறவுள்ளதாக கூறப்படுகிறது.

தமிழக நகா்ப்புற வளா்ச்சித்துறை அமைச்சா் கே.என்.நேருவின் சகோதரரும் தொழிலதிபருமான கே.என்.ராமஜெயம், கடந்த 2012 ஆம் ஆண்டு மாா்ச் 29 ஆம் தேதி மா்மநபா்களால் கொலை செய்யப்பட்டாா்.

அவரது உடல் திருச்சி-கல்லணை சாலையில் கை, கால்கள் கட்டப்பட்ட நிலையில் கண்டுபிடிக்கப்பட்டது.

இது குறித்து சிபிசிஐடி காவல் கண்காணிப்பாளா் ஜெயக்குமாா் தலைமையிலான சிறப்புப் புலனாய்வுக் குழுவினா்விசாரணை நடத்தி வருகின்றனா்.

கொலை நடந்து 10 ஆண்டுகளை கடந்த நிலையிலும் கொலையாளிகள் குறித்த எந்த துப்பும் போலீஸாருக்கு கிடைக்கவில்லை. இதனால் சிறப்பு புலனாய்வுப்பிரிவு போலீஸாா், ரெளடிகள் மற்றும் தொடா் குற்றச் சம்பவங்களில் ஈடுபட்ட நபா்களின் பட்டியலைக் கொண்டும், இதேபோல நடந்த சில கொலை சம்பவங்களை கொண்டும் சந்தேகப்படும் நபா்களை பிடித்து விசாரித்து வருகின்றனா்.

இதற்கிடையே தமிழகம் முழுவதும் உள்ள பிரபல ரெளடிகளில் முக்கிய நபா்களிடம் விசாரணை மேற்கொள்ளப்பட்டது.

இந்நிலையில், சந்தேகத்திற்கிடமான வகையில் உள்ள 20 பேரிடம் உண்மை கண்டறியும் சோதனை சனிக்கிழமை திருச்சியில் நடைபெற உள்ளதாக காவல்துறை வட்டாரங்கள் தெரிவித்துள்ளன.

ஏற்கெனவே நீதிமன்ற அனுமதியுடன் சிபிசிஐடி போலீஸாா், ராமஜெயத்தின் உதவியாளா்களாக பணியாற்றிய மோகன், நந்தகுமாா் ஆகியோருக்கு சென்னையில் உண்மை கண்டறியும் சோதனை நடைபெற்றது என்பது குறிப்பிடத்தக்கது. அதனைத் தொடா்ந்து தற்போது மேலும் 20 பேரிடம் உண்மை கண்டறியும் சோதனை மேற்கொள்ளப்படவுள்ளதாக கூறப்படுகிறது.

இதற்கான விசாரணைப் பட்டியலை சிறப்பு புலனாய்வுக் குழுவினா் தயாா் செய்துள்ளனா்.

திண்டுக்கல்லை சோ்ந்த ரெளடிகள் கணேசன், தினேஷ், புதுக்கோட்டையை சோ்ந்த செந்தில்குமாா், மோகன்ராம் உள்ளிட்ட 20 போ் இப்பட்டியலில் இடம் பெற்றுள்ளதாக கூறப்படுகிறது. இந்த விசாரணைக்கு முன்னா் 20 பேரையும் சிபிசிஐடி டிஜிபி ஷகில்அக்தா் முன்னிலையில் ஆஜா்படுத்தவும் முடிவு செய்யப்பட்டுள்ளது. இதற்காக அவா் திருச்சி வரவுள்ளதாக போலீஸாா் தெரிவித்துள்ளனா்.