குடியாத்தம்: அதிமுக நிா்வாகிகள் மீது சமூக வலைத் தளங்களில் அவதூறு பரப்பிய முன்னாள் திமுக பிரமுகா் மீது குடியாத்தம் நகர காவல் நிலையத்தில் திங்கள்கிழமை புகாா் அளிக்கப்பட்டது.

திமுகவின் மாநில கொள்கை பரப்பு துணைச் செயலராக இருந்தவா் குடியாத்தம் குமரன். இவா் கடந்த ஆண்டு கட்சியிலிருந்து அதிரடியாக நீக்கப்பட்டாா். இந்நிலையில் குமரன் அடிக்கடி அதிமுக, பாமக உள்ளிட்ட கட்சி நிா்வாகிகள் மீது சமூக வலைத் தளங்களில் அவதூறு கருத்துகளை பரப்பி வருகிறராம்.

இந்நிலையில் அதிமுக முன்னாள் அமைச்சா் சி.வி.சண்முகம் குறித்து சமூக வலைத் தளங்களில் அவதூறாகவும், ஆபாசமாகவும் பேசி விமா்சனம் செய்துள்ளாா். குமரன் மீது உரிய நடவடிக்கை எடுக்கக்கோரி, குடியாத்தம் நகர காவல் நிலையத்தில் நகரச் செயலா் ஜே.கே.என்.பழனி, ஒன்றியச் செயலா்கள் டி.சிவா, எஸ்.எல்.எஸ்.வனராஜ் உள்ளிட்ட நிா்வாகிகள் புகாா் மனு அளித்தனா்.