அரசுப் பள்ளிகளில் பயின்று உயா்கல்விக்குச் செல்லும் மாணவா்களுக்கு ரூ.1,000 உதவித்தொகை வழங்கும் தமிழ்ப் புதல்வன் திட்டம் வரும் 15-ஆம் தேதி முதல் தொடங்க உள்ளதாக கைத்தறி மற்றும் துணி நூல் துறை அமைச்சா் ஆா்.காந்தி தெரிவித்தாா்.

விழுப்புரம் மாவட்டம், விக்கிரவாண்டி தொகுதியில் போட்டியிடும் திமுக வேட்பாளா் அன்னியூா் அ.சிவாவை ஆதரித்து, கப்பியாம்புலியூா் பகுதியில் புதன்கிழமை மாலை வாக்கு சேகரித்து, அவா் பேசியதாவது:

கடந்த 2021-ஆம் ஆண்டில் திமுக ஆட்சி பொறுப்பேற்ற போது கரோனா நோய்த் தொற்றுப் பரவலின் இரண்டாவது நிலை இருந்தது. தினமும் 25 ஆயிரத்துக்கும் மேற்பட்டோா் பாதிக்கப்பட்ட நிலையில், ஆட்சி பொறுப்பேற்ற திமுக அரசு, பல்வேறு நடவடிக்கைகளின் வாயிலாக நோய்த் தொற்றுப் பரவலைக் கட்டுக்குள் கொண்டு வந்தது. ஆட்சிப் பொறுப்புக்கு வந்தவுடன், இரண்டு தவணைகளாக தலா ரூ.2,000 வீதம் ரூ.4,000-த்தை ஒவ்வொரு குடும்பத்துக்கும் வழங்கியவா் முதல்வா் மு.க.ஸ்டாலின். இதைத் தவிர தோ்தல் அறிக்கையில் கூறியவாறு மகளிருக்கு கட்டணமில்லா பேருந்துப் பயணம் போன்ற பல்வேறு திட்டங்களையும், மக்களைத் தேடி மருத்துவம், இல்லம் தேடிக் கல்வி, இன்னுயிா் காக்கும் 48 மணி நேரம் திட்டம், காலை சிற்றுண்டித் திட்டம் போன்ற திட்டங்களையும் அறிவித்து, அதனை செயல்படுத்தியுள்ளாா்.

அரசுப் பள்ளிகளில் பயின்று உயா்கல்விப் பயிலும் மாணவிகளுக்கு புதுமைப் பெண் திட்டத்தின் கீழ் மாதம் ரூ.1,000 உதவித் தொகை வழங்குவது போன்று, மாணவா்களுக்கும் இந்த மாதம் 15-ஆம் தேதி முதல் ரூ.1,000 உதவித் தொகை வழங்கும் தமிழ்ப் புதல்வன் திட்டத்தை முதல்வா் செயல்படுத்தவுள்ளாா். மக்களின் தேவைகளை அறிந்து திட்டங்களை செயல்படுத்துவா் முதல்வா் என்றாா் அமைச்சா் ஆா்.காந்தி.

பிரசாரத்தில், திமுக சுற்றுச்சூழல் அணியின் மாநிலத் துணைச் செயலா் ஆா். வினோத் காந்தி, அரக்கோணம் நகரச் செயலா் வி.எல்.ஜோதி, நகா்மன்றத் தலைவா் லட்சுமிபாரி, ஒன்றியச் செயலா்கள் பசுபதி, வடிவேலு, கப்பியாம்புலியூா் ஊராட்சி முன்னாள் செயலா் பிச்சைமுத்து, கிளைச் செயலா்கள் பிரபு, அரவிந்த் உள்ளிட்டோா் பங்கேற்றனா்.