பிகாா் சட்டப் பேரவைத் தோ்தல் வெற்றியைத் தொடா்ந்து, விழுப்புரத்தில் பாஜக, ஐக்கிய ஜனதா தளம் கட்சியினா் வெள்ளிக்கிழமை பட்டாசுகளை வெடித்து, பொதுமக்களுக்கு இனிப்புகளை வழங்கினா்.
விழுப்புரம் மாவட்ட பாஜக சாா்பில், மாவட்ட துணைத் தலைவரும், நகா்மன்ற உறுப்பினருமான வடிவேல் பழனி, நகரத் தலைவா் வனிதசுதா, விருந்தோம்பல் பிரிவு மாவட்டத் தலைவா் பப்லு (எ) ஜெகதீஷ், மாவட்ட துணைத் தலைவா் பெருமாள் முன்னிலையில், விழுப்புரம் - கிழக்கு பாண்டி சாலையில் பட்டாசு வெடித்தனா். தொடா்ந்து, பொதுமக்களுக்கு இனிப்புகளை வழங்கினா்.
விழுப்புரம் தெற்கு மாவட்ட பாஜக தலைவா் வி.டி.ஆா்.தா்மராஜ் தலைமையில் திருக்கோவிலூா் பகுதியில் பட்டாசு வெடித்து, பொதுமக்களுக்கு இனிப்பு வழங்கப்பட்டது.
மாவட்ட துணைத் தலைவா்கள் ராதாகிருஷ்ணன், சிலம்பரசன், குபேரன், பொதுச் செயலா் முரளி, மாநிலச் செயற்குழு உறுப்பினா்கள் வி.ஏ.டி.கலிவரதன், வி.சுகுமாா் சுந்தர்ராஜன், ஊடகப் பிரிவு மாவட்டத் தலைவா் எஸ்.சரவணன் உள்ளிட்டோா் பங்கேற்றனா்.
ஐக்கிய ஜனதா தளம்: ஐக்கிய ஜனதா தளம் சாா்பில், பிகாா் பேரவைத் தோ்தல் வெற்றிக் கொண்டாட்டம் விழுப்புரத்தில் நடைபெற்றது. கட்சியின் மாவட்டத் தலைவா் கே.புருஷோத்தமன் ஒப்புதலுடன் விழுப்புரம் புதிய பேருந்து நிலையப் பகுதியில் நடைபெற்ற விழாவில் பட்டாசு வெடிக்கப்பட்டது.
தொடா்ந்து, கட்சியின் நகரத் தலைவா் புஷ்பராஜ் பொதுமக்களுக்கு இனிப்புகளை வழங்கினாா். மாவட்டப் பொறுப்பாளா் காா்த்தி, காணை ஒன்றியத் தலைவா் ஆதவன், நகரச் செயலா் ஜே.அரவிந்தன் மற்றும் நிா்வாகிகள் பங்கேற்றனா்.
செஞ்சியில்...: செஞ்சியில் பாஜக கிழக்கு ஒன்றியத் தலைவா் தாராசிங் ( எ) சிவக்குமாா் தலைமையிலான அக்கட்சியினா் செஞ்சி கூட்டுச்சாலைப் பகுதியில் பட்டாசு வெடித்தும், பொதுமக்களுக்கு இனிப்புகள் வழங்கியும் கொண்டாடினா்.
நிகழ்ச்சியில் மாவட்ட பொதுச் செயலா் பாண்டியன், முன்னாள் மாவட்டத் தலைவா் எம்.எஸ்.ராஜேந்திரன், மாவட்ட துணைத் தலைவா் வழக்குரைஞா் என்.ஏ.ஏழுமலை, முன்னாள் ஒன்றியத் தலைவா் தங்கராமு, மாநில பொதுக்குழு நிா்வாகிகள் ஆா்.எஸ்.சரவணன், ஞானமணி, மாவட்ட துணைத் தலைவா் விஜயலட்சுமி மற்றும் பலா் கலந்துகொண்டனா்.