நெல்லிக்குப்பம் அருகே பைக்கில் மணல் கடத்தியதாக 2 பேரை போலீஸார் கைது செய்தனர்.
நெல்லிக்குப்பத்தை அடுத்த வான்பாக்கம் பெண்ணை ஆற்றுத் தெருவைச் சேர்ந்தவர்கள் சுந்தரமூர்த்தி மகன்கள் கோகுல் (25), ராஜதுரை (20). 
இருவரும் தனித்தனி பைக்கில் தலா 2 மூட்டை மணலை ஆற்றிலிருந்து உரிய அனுமதி இல்லாமல் எடுத்து வந்தனராம். 
வான்பாக்கம் ஆர்ச் பகுதியில் ஞாயிற்றுக்கிழமை கண்காணிப்புப் பணியில் ஈடுபட்டிருந்த நெல்லிக்குப்பம் காவல் நிலைய உதவி ஆய்வாளர் கணபதி இதுதொடர்பாக இருவரையும் பிடித்து விசாரணை நடத்தினார்.  பின்னர், 2 மோட்டார் 
சைக்கிளையும் பறிமுதல் செய்ததுடன், வழக்குப் பதிந்து இருவரையும் கைது செய்தார்.