கடலூர்

லாரி மோதியதில் புதுப் பெண் சாவு

DIN

பண்ருட்டியில் சனிக்கிழமை மாலை பைக் மீது லாரி மோதியதில் புதுப்பெண் உயிரிழந்தார். 
 கடலூர், கோண்டூர் பகுதியைச் சேர்ந்தவர் அன்பு (29). கோழி இறைச்சிக் கடையில் பணிபுரிந்து வருகிறார். இவருக்கும், பண்ருட்டி ஒன்றியம், மாளிகம்பட்டு காலனியில் வசிக்கும் தட்சிணாமூர்த்தி மகள் கோமதி (23) என்பவருக்கும் கடந்த 3 மாதங்களுக்கு முன்னர் திருமணம் நடைபெற்றது. புதுமணத் தம்பதியர் பொங்கல் பண்டிகையை கொண்டாடுவதற்காக மாளிகம்பட்டு கிராமத்துக்கு  வந்தனர். 
பண்ருட்டி கெடிலம் ஆற்றில் சனிக்கிழமை ஆற்றுத் திருவிழா நடைபெற்றது. இந்த விழாவில் பங்கேற்பதற்காக அன்பு தனது மனைவி கோமதி, மைத்துனிகள் வெண்ணிலா(19), பார்வதி (15) ஆகியோரை பைக்கில் ஏற்றிக்கொண்டு வந்தார். பண்ருட்டி வட்டாரப் போக்குவரத்து அலுவலர் அலுவலகம் அருகே வந்தபோது, பின்னால் வந்த லாரி பைக் மீது மோதியது. 
இந்த விபத்தில் பலத்த காயமடைந்த கோமதி புதுச்சேரி அரசு மருத்துவமனையில் சேர்க்கப்பட்டார். 
அங்கு அவர் உயிரிழந்தார். விபத்தில் காயமடைந்த அன்பு புதுச்சேரி அரசு மருத்துவமனையிலும், வெண்ணிலா, பார்வதி ஆகியோர் 
கடலூர் அரசு மருத்துவமனையிலும்  சேர்க்கப்பட்டுள்ளனர். விபத்து குறித்து காடாம்புலியூர் போலீஸார் விசாரணை நடத்தி வருகின்றனர்.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

’ரயில் பெட்டியின் ‘கோடை குளியல்’

குறைவான மதிப்பெண் பெற்றவா்கள் மனம் தளராதீா் முதல்வா் மு.க.ஸ்டாலின் அறிவுரை

திமுக தண்ணீா் பந்தல் திறப்பு

ஆம் ஆத்மி- காங்கிரஸ் இடையே விரிசல்? ஆம் ஆத்மி தெற்கு தில்லி வேட்பாளா் பதில்

நாகா்கோவில் சிறப்பு ரயில் தாமதமாக இயக்கம்

SCROLL FOR NEXT