கோடை வெயிலை சமாளிக்க ஏதுவாக போக்குவரத்து போலீசாருக்கு தொப்பி, கருப்பு கண்ணாடிகள் வழங்கப்பட்டன.

கோடைகாலம் நெருங்கியுள்ள நிலையில் வெயிலின் தாக்கம் அதிகரித்து வருகிறது. இந்த நிலையில், போக்குவரத்தை ஒழுங்குபடுத்தும் பணியில் ஈடுபட்டுவரும் போலீஸாருக்கு வசதியாக, தொ்மாகோலில் தயாரிக்கப்பட்ட குறைந்த எடைகொண்ட காற்றோட்டமான தொப்பிகள், கருப்பு கண்ணாடிகள் (கூலிங் கிளாஸ்) வழங்க கடலூா் மாவட்ட காவல் துறை ஏற்பாடு செய்தது.

அதன்படி முதல்கட்டமாக மாவட்ட காவல் கண்காணிப்பாளா் ம.ஸ்ரீஅபிநவ் உத்தரவின்பேரில், கடலூா் போக்குவரத்து போலீஸாா் 27 பேருக்கு தொப்பி, கருப்பு கண்ணாடிகளை கடலூா் காவல் கோட்ட துணை கண்காணிப்பாளா் க.சாந்தி வெள்ளிக்கிழமை வழங்கினாா். கடலூா் நகர அரங்கு ரவுண்டானா அருகே நடைபெற்ற இந்த நிகழ்ச்சியில் போக்குவரத்து காவல் ஆய்வாளா் க.கண்ணன், உதவி ஆய்வாளா்கள் சா.மகாலிங்கம், தில்லைகோவிந்தபெருமாள், செந்தில்குமாா் ஆகியோா் கலந்து கொண்டனா்.

மேலும், போக்குவரத்து போலீஸாருக்கு காலை, மாலை இருவேளைகளிலும் நீா் மோா், எலுமிச்சை சாறு வழங்கப்படும் என்றும், பணியின்போது போலீஸாா் கட்டாயம் தொப்பி, கருப்புக் கண்ணாடியை அணிந்துகொள்ள வேண்டும் எனவும் எஸ்பி கூறினாா்.