குறிஞ்சிப்பாடி அருகே டிராக்டா் ஓட்டுநா் உழவுப் பணியின்போது ரோட்டாவேட்டரில் சிக்கி சனிக்கிழமை உயிரிழந்தாா்.

கடலூா் மாவட்டம், குறிஞ்சிப்பாடி ஒன்றியம், வெங்கடாம்பேட்டையைச் சோ்ந்தவா் ராமலிங்கம் மகன் நெல்சன் (25). இவா், தனக்குச் சொந்தமான டிராக்டா் மூலம் வாடகை அடிப்படையில் உழவு ஓட்டி வந்தாா். சனிக்கிழமை அதே ஊரைச் சோ்ந்த ராஜேந்திரன் என்பவரது நிலத்தில் டிராக்டரில் ரோட்டாவேட்டரை மாட்டி உழவுப் பணியில் ஈடுபட்டாா். அப்போது நெல்சன் திடீரென மயக்கமடைந்து கீழே விழுந்ததில் அவா் மீது டிராக்டா் ஏறியது. மேலும், ரோட்டாவேட்டரில் சிக்கி நிகழ்விடத்திலேயே உயிரிழந்தாா். இதுகுறித்து குறிஞ்சிப்பாடி போலீஸாா் விசாரணை நடத்தி வருகின்றனா்.