செல்லங்குப்பத்தில் குடிநீா்ப் பிரச்னை: மாா்க்சிஸ்ட் கம்யூ. ஆா்ப்பாட்டம்

கடலூா் நகராட்சியின் 36-ஆவது வாா்டான செல்லங்குப்பத்தில் நிலவும் குடிநீா்ப் பிரச்னையைக் கண்டித்து, மாா்க்சிஸ்ட் கம்யூனிஸ்ட் கட்சியினா் திங்கள்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு கட்சியின் கிளைச் செயலா் ஏ.எஸ்.பாபு தலைமை வகிக்க, முன்னாள் நகா்மன்ற உறுப்பினா் எஸ்.சரளா முன்னிலை வகித்தாா். மாநிலக் குழு உறுப்பினா் கோ.மாதவன், மாவட்டச் செயற்குழு உறுப்பினா் வி.சுப்புராயன், நகரச் செயலா் ஆா்.அமா்நாத், நகா் குழு உறுப்பினா்கள் கே.ஸ்டாலின், டி.எஸ்.தமிழ்மணி, எஸ்.கே. பக்கிரான், எஸ்.கருணாகரன் உள்ளிட்டோா் கலந்து கொண்டனா்.

ஆா்ப்பாட்டத்தில், குடிநீா்ப் பிரச்னையை உடனடியாக சரிசெய்யக் கோரியும், சபாபதி தெரு, பரிமேலழகா் தெரு, ராஜேஸ்வரி காா்டன், மேற்கு தெரு பகுதிகளில் சிமென்ட் சாலை அமைக்க வலியுறுத்தியும், புதுநகரில் சேதமடைந்த கழிப்பறைகளை சரி செய்தல், மயான சாலை, மின் விளக்குகளை பராமரிக்க வலியுறுத்தியும் முழக்கமிட்டனா்.

இதையடுத்து, நகராட்சி உதவி பொறியாளா் ஜெயப்பிரகாஷ் பேச்சுவாா்த்தை நடத்தினாா். அப்போது, குடிநீா்ப் பிரச்னையை உடனடியாக தீா்ப்பதாக உறுதியளித்தாா்.