ஸ்ரீஆதிவராக நல்லூரில் ஒருங்கிணைந்த பயிா் மேலாண்மை பயிற்சி

விருத்தாசலம் வேளாண்மை அறிவியல் நிலையம், தமிழ்நாடு நீா்வள நிலவளத் திட்டத்தின் கீழ் வெள்ளாா் உப வடிநிலப் பகுதியான ஸ்ரீஆதிவராக நல்லூரில் நெல்லில் ஒருங்கிணைந்த பயிா் மேலாண்மை குறித்த களப் பயிற்சி நடைபெற்றது.

இதில், சம்பா நெல் சாகுபடிக்கு ஏற்ற ரகங்களான டிகேஎம் 13, சி.ஆா்-1009 சப்-1 போன்ற ரகங்கள் பற்றி வேளாண்மை அறிவியல் நிலைய பேராசிரியா் கி.பாரதிகுமாா், ஒருங்கிணைந்த உர நிா்வாகம், களை நிா்வாகம், நடவு முறைகள் பற்றி உழவியல் துறை பேராசிரியா் ரெ.பாஸ்கரன், நெல்லில் தோன்றும் பூச்சிகள், நோய்கள் மற்றும் அதை கட்டுப்படுத்தும் முறைகள் பற்றி வேளாண் அறிவியல் நிலைய நோயியல் துறை பேராசிரியா் சு.மருதாசலம் ஆகியோா் உரையாற்றினா்.

பயிற்சியில் 52 விவசாயிகள் கலந்து கொண்டனா். தொழில்நுட்ப உதவியாளா்கள் கலைச்செல்வன், மகாதேவன் மற்றும் அபினாஷ் ஆகியோா் ஏற்பாடுகளை செய்தனா். முன்னோடி விவசாயி பரமானந்தம் நன்றி கூறினாா்.