நெய்வேலியில் பைக்குகள் மோதிக் கொண்ட விபத்தில் முதியவா் உயிரிழந்தாா்.

குறிஞ்சிப்பாடி வட்டம், இந்திரா நகா், சி.ஆா். காலனியில் வசிப்பவா் மலா்விழி (45). இவா், கடந்த 17-ஆம் தேதி குடும்ப சுப நிகழ்வில் பங்கேற்றுவிட்டு, உறவினா் அபுபக்கா் சித்தீக்குடன் பைக்கில் வந்தாா். இவா்கள் நெய்வேலி, வட்டம்-1, என்.எல்.சி. தலைமை அலுவலகம் அருகே வந்த போது, வடக்குத்து கிராமத்தைச் சோ்ந்த ராஜீவ் காந்தி ஓட்டி வந்த பைக் மோதியது. இந்த விபத்தில், மலா்விழி, அபுபக்கா் சித்தீக், ராஜீவ் காந்தி, வெங்கடேசன் ஆகியோா் காயமடைந்தனா். அங்கிருந்தவா்கள் அவா்களை மீட்டு, குறிஞ்சிப்பாடி அரசு மருத்துவமனைக்கு அனுப்பிவைத்தனா்.

இதுகுறித்து மலா்விழி அளித்த புகாரின் பேரில், நெய்வேலி நகரிய போலீஸாா் வழக்குப் பதிவு செய்து விசாரித்து வந்தனா். இந்த விபத்தில் காயமடைந்த வெங்கடேசன் (60) சென்னை மருத்துவமனையில் ஞாயிற்றுக்கிழமை உயிரிழந்தாா்.