பண்ருட்டி ஒன்றியம், பணிக்கன்குப்பம் நரிக்குறவா் காலனியில் வசிக்கும் 50-க்கும் மேற்பட்ட குடும்பத்தினருக்கு மழைக் கால நிவாரணமாக அரிசி, காய்கறி உள்ளிட்ட அத்தியாவசியப் பொருள்களை நெய்வேலி தொகுதி எம்எல்ஏ சபா.ராஜேந்திரன் செவ்வாய்க்கிழமை வழங்கினாா்.

பின்னா், நரிக்குறவா்கள் வசிக்கும் வீடுகளைப் பாா்வையிட்டு குறைகளைக் கேட்டறிந்தாா். அப்போது, நரிக்குறவா் காலனி மக்கள் அளித்த கோரிக்கை மனுக்களை பெற்றுக்கொண்ட எம்எல்ஏ, உரிய நடவடிக்கை எடுப்பதாகக் கூறினாா்.

ஊராட்சி மன்றத் தலைவா் மீனா பிலோமினா ஆரோக்கியதாஸ் உள்ளிட்டோா் பங்கேற்றனா்.