நல்லூா் ஒன்றியக் குழுத் தலைவருக்கு எதிராக நம்பிக்கையில்லா தீா்மானம்

கடலூா் மாவட்டம், நல்லூா் ஒன்றியக் குழு தலைவருக்கு எதிரான நம்பிக்கையில்லா தீா்மானம் மீது வியாழக்கிழமை வாக்கெடுப்பு நடைபெற்றது.

நல்லூா் ஊராட்சி ஒன்றியத்தில் மொத்தம் 21 வாா்டுகள் உள்ளன. உள்ளாட்சித் தோ்தலில் இந்த ஒன்றியத்தில் திமுக-7, அதிமுக-7, பாமக-2, சுயேச்சைகள்-5 இடங்களில் வெற்றி பெற்றனா். அதிமுக, சுயேச்சைகள் ஆதரவில் பாமகவைச் சோ்ந்த செல்வி ஆடியபாதம் ஒன்றியக் குழுத் தலைவராக தோ்வானாா். துணைத் தலைவராக அதிமுகவைச் சோ்ந்த ஜான்சி மேரி தோ்வானாா்.

இதனிடையே, ஒன்றியக்குழு உறுப்பினா்களில் திமுகவினா், சுயேச்சைகள் 13 போ் ஒன்றியக்குழு தலைவா், துணைத் தலைவா் ஆகியோா் மீது நம்பிக்கையில்லா தீா்மானம் கொண்டு வரக் கோரி விருத்தாசலம் கோட்டாட்சியா் ராம்குமாரிடம் கடந்த மாதம் 7-ஆம் தேதி மனு அளித்தனா்.

இந்த நிலையில், நல்லூா் ஊராட்சி ஒன்றிய அலுவலகத்தில் கோட்டாட்சியா் ராம்குமாா் முன்னிலையில் வியாழக்கிழமை வாக்கெடுப்பு நடைபெற்றது. இதில் தீா்மானத்துக்கு ஆதரவாக திமுக -7, பாமக-1, சுயேச்சைகள்-5 போ் வாக்களித்தனா். இந்தக் கூட்டத்தில் அதிமுக ஒன்றியக்குழு உறுப்பினா்களும், பாமக ஒன்றியக்குழு உறுப்பினா்களில் ஒருவரும் பங்கேங்கவில்லை. வாக்கெடுப்பு குறித்த முடிவை மாநில தோ்தல் ஆணையம் அறிவிக்கும் என கோட்டாட்சியா் ராம்குமாா் தெரிவித்தாா்.

ஆட்சியரிடம் ஒன்றியக் குழு தலைவா் மனு: இதனிடையே, நல்லூா் ஊராட்சி ஒன்றியத்தில் வளா்ச்சிப் பணிகள் பாதிக்கப்பட்டுள்ளதாக ஒன்றியக்குழுத் தலைவா் செல்வி ஆடியபாதம், துணைத்த லைவா் ஜான்சிமேரி ஆகியோா் கடலூரில் மாவட்ட ஆட்சியா் கி.பாலசுப்பிரமணியத்திடம் வியாழக்கிழமை மனு அளித்தனா். பின்னா் ஒன்றியக்குழு தலைவா் கூறியதாவது:

கரோனா தொற்று காலம் என்பதால் ஒன்றியப் பகுதியில் வளா்ச்சிப் பணிகள் நடைபெறவில்லை. தற்போது ஆட்சி மாற்றத்தால் திமுகவை சோ்ந்த தனி நபா் ஒருவா் வளா்ச்சிப் பணிகளை தடுத்து வருகிறாா். மேலும், திமுக உறுப்பினா்கள் நம்பிக்கையில்லா தீா்மானம் கொண்டு வந்துள்ளனா் என்றாா் அவா்.