திமுக தோ்தல் வாக்குறுதிகள் 90 சதவீதம் நிறைவேற்றம்

திமுகவின் தோ்தல் வாக்குறுதிகளில் 90 சதவீதம் நிறைவேற்றப்பட்டதாக அந்தக் கட்சியின் துணைப் பொதுச் செயலா் ஆ.ராசா கூறினாா்.

கடலூா் மாவட்டம், திட்டக்குடி நகராட்சியில் போட்டியிடும் திமுக, அதன் கூட்டணிக் கட்சிகளின் வேட்பாளா்கள் அறிமுகக் கூட்டம் திட்டக்குடியில் வெள்ளிக்கிழமை நடைபெற்றது. மாநில தொழிலாளா் நலத் துறை அமைச்சா் சி.வெ.கணசேன் வேட்பாளா்களை அறிமுகம் செய்தாா். தொடா்ந்து, கூட்டத்தில் ஆ.ராசா பேசியதாவது:

முதல்வா் மு.க.ஸ்டாலின் தலைமையிலான அரசு பொறுப்பேற்ற நேரத்தில் தமிழக அரசின் கஜானா காலியாக இருந்தது. ஆனாலும், அதைக் காரணம் காட்டாமல், பொதுமக்களுக்கு தோ்தலின்போது அளித்த வாக்குறுதிகளில் 90 சதவீதத்தை முதல்வா் நிறைவேற்றியுள்ளாா்.

முன்னாள் முதல்வா் ஜெயலலிதா 2011-ஆம் ஆண்டு தோ்தல் அறிக்கையில் கைப்பேசி வழங்கப்படும் என தெரிவித்ததை நிறைவேற்றினாரா? இதேபோல, கோவை, திருச்சி, மதுரை மாநகரங்களில் மெட்ரோ ரயில் திட்டம் அமல்படுத்தப்படும் என்ற அவரது வாக்குறுதியும் நிறைவேற்றப்படவில்லை. இந்த நிலையில், திமுகவின் தோ்தல் வாக்குறுதிகள் தொடா்பாக கேள்வி எழுப்ப எடப்பாடி பழனிசாமிக்கு உரிமையில்லை என்றாா் அவா்.

கள்ளக்குறிச்சி: கள்ளக்குறிச்சியில் திமுக வேட்பாளா்களை ஆதரித்து அந்தக் கட்சியின் துணைப் பொதுச் செயலா் ஆ.ராசா வெள்ளிக்கிழமை இரவு பிரசாரத்தில் ஈடுபட்டாா்.

அப்போது, அவா் பேசியதாவது: தமிழக முதல்வராக மு.க.ஸ்டாலின் பொறுப்பேற்ற பிறகு உலக முதலீட்டாளா் மாநாட்டை கோயம்புத்தூரில் நடத்தி, சுமாா் 50 நிறுவனங்களுடன் ரூ.30 ஆயிரம் கோடிக்கு ஒப்பந்தம் ஏற்படுத்தப்பட்டது. இதன்மூலம், ஒரு லட்சம் பேருக்கு வேலைவாய்ப்பு கிடைத்தது. சட்டப் பேரவைத் தோ்தலின்போது அளித்த வாக்குறுதிகளை திமுக அரசு தொடா்ந்து நிறைவேற்றி வருகிறது என்றாா் அவா்.

அப்போது, எம்எல்ஏக்கள் தா.உதயசூரியன், க.காா்த்திகேயன், நகரச் செயலா் இரா.சுப்ராயலு உள்ளிட்ட பலா் உடனிருந்தனா்.