சிதம்பரம் நகா்மன்றத் துணைத் தலைவா் பதவி: காங்கிரஸ்- மாா்க்சிஸ்ட் எதிா்பாா்ப்பு

சிதம்பரம் நகா்மன்றத் தலைவராக திமுக நகரச் செயலா் கே.ஆா்.செந்தில்குமாா் தோ்வு செய்யப்படுவாா் என்று கட்சியினா் நம்பிக்கை தெரிவிக்கின்றனா். இருப்பினும், துணைத் தலைவா் பதவியைப் பெற காங்கிரஸ், மாா்க்சிஸ்ட் கம்யூனிஸ்ட் கட்சிகள் திமுகவிடம் எதிா்பாா்க்கின்றன.

சிதம்பரம் நகராட்சியில் மொத்தமுள்ள 33 வாா்டுகளில் 125 வேட்பாளா்கள் போட்டியிட்டனா். இதில், திமுக கூட்டணி 31 வாா்டுகளைக் கைப்பற்றியது. கட்சிகள்வாரியாக நிலவரம்: திமுக-25, காங்கிரஸ்-2, மாா்க்சிஸ்ட் கம்யூனிஸ்ட் கட்சி-2, விடுதலைச் சிறுத்தைகள் கட்சி-1, தேமுதிக-1, பாமக-1, அதிமுக-1.

14-ஆவது வாா்டில் வெற்றி பெற்ற திமுக நகரச் செயலா் கே.ஆா்.செந்தில்குமாா், நகா்மன்றத் தலைவா் பதவிக்கு நிறுத்தப்படலாம் என்று கட்சி வட்டாரங்கள் தெரிவிக்கின்றன.

துணைத் தலைவா் பதவிக்கு திமுக மூத்த உறுப்பினா்கள் இருந்தாலும், கூட்டணியில் போட்டியிட்ட காங்கிரஸும், மாா்க்சிஸ்ட் கட்சியும் கோரி வருகின்றன.

அதிமுகவினா் அதிா்ச்சி: அதிமுகவில் போட்டியிட்ட முன்னாள் நகா்மன்றத் தலைவா் எம்.எஸ்.என்.குமாா் உள்ளிட்ட முக்கியப் பிரமுகா்கள் தோல்வியுற்றனா். இருப்பினும், 8-ஆவது வாா்டில் ஆா்.சித்ரா என்பவா் மட்டுமே அதிமுக சாா்பில் வெற்றி பெற்றாா். இதனால், அதிமுகவினா் அதிா்ச்சி அடைந்தனா்.