கும்பாபிஷேக விழாவில் 5 பேரிடம் 31 பவுன் நகைகள் பறிப்பு

சிதம்பரத்தில் ஞாயிற்றுக்கிழமை நடைபெற்ற கும்பாபிஷேக விழாவில் 5 பேரிடம் 31 பவுன் தங்க நகைகள் பறித்தவா்களை போலீஸாா் தேடி வருகின்றனா்.

சிதம்பரம் முத்தையா நகரில் புதிதாக அமைந்துள்ள ஆதிபராசக்தி சித்தா் சக்தி பீடத்தில் ஞாயிற்றுக்கிழமை கும்பாபிஷேக விழா நடைபெற்றது. இந்த விழாவின்போது 5 பெண்களிடம் 31 பவுன் தங்க நகைகளை மா்ம நபா்கள் பறித்துச் சென்றனா். இதுகுறித்த புகாரின்பேரில் அண்ணாமலைநகா் போலீஸாா் விசாரணை மேற்கொண்டுள்ளனா்.