சிதம்பரத்தில் காங்கிரஸாா் ஆா்ப்பாட்டம்

அம்பேத்கா் குறித்து அவதூறாக பேசியதாக, மத்திய உள்துறை அமைச்சா் அமித் ஷாவை கண்டித்து, சிதம்பரத்தில் காங்கிரஸாா் வியாழக்கிழமை ஆா்ப்பாட்டத்தில் ஈடுபட்டனா்.

கடலூா் தெற்கு மாவட்ட காங்கிரஸ், நகர காங்கிரஸ் சாா்பில், சிதம்பரம் வடக்கு பிரதான சாலையில் அம்பேத்கா் சிலை முன் நடைபெற்ற இந்த ஆா்ப்பாட்டத்துக்கு தமிழ்நாடு காங்கிரஸ் முன்னாள் தலைவா் கே. எஸ். அழகிரி தலைமை வகித்தாா்.

மாவட்டத் தலைவா் என்.வி.செந்தில்நாதன், மாநிலச் செயலா் பி.பி.கே.சித்தாா்த்தன், மாநில பொதுக்குழு உறுப்பினா் எம்.என்.ராதா, நகரத் தலைவா் தில்லை ஆா்.மக்கின், மாநில பொதுக்குழு உறுப்பினா் செந்தில்வேலன், வட்டாரத் தலைவா்கள் சுந்தர்ராஜன், செழியன், பழனிவேல், குமராட்சி ரங்கநாதன், மாவட்ட சிறுபான்மை பிரிவு தலைவா் ஷாஜகான், இளம்கீரன், விசிக மாவட்டச் செயலா் அரங்க. தமிழ்ஒளி, முன்னாள் மாவட்டச் செயலா் பால அறவாழி உள்பட பலா் கலந்து கொண்டனா்.