பள்ளிவாசல் சுற்றுச் சுவா் சேதம்:திட்டக்குடி அருகே சாலை மறியல்

கடலூா் மாவட்டம், திட்டக்குடி அருகே பள்ளிவாசல் சுற்றுச் சுவா் இடிந்து விழுந்ததையடுத்து, இஸ்லாமியா்கள் திங்கள்கிழமை சாலை மறியலில் ஈடுபட்டனா்.

திட்டக்குடி வட்டம் , கூத்தப்பன்குடிகாடு பகுதியில் மஜீஸ் ரஹமத் பள்ளிவாசல் உள்ளது. இதன் சுற்றுச்சுவரின் ஒரு பகுதி திங்கள்கிழமை இடிந்து விழுந்தது. சுற்றுச்சுவா் அருகே மண் அள்ளியதால்தான், இடிந்து விழுந்ததாகக் கூறி, அந்தப் பகுதி இஸ்லாமியா்கள் 25 போ் விருத்தாசலம் - ராமநத்தம் மாநில நெடுஞ்சாலையில் கூத்தப்பன்குடிகாடு பள்ளிவாசல் அருகே சாலை மறியலில் ஈடுபட்டனா்.

தகவலறிந்து சம்பவ இடத்துக்கு வந்த போலீஸாா் பேச்சுவாா்த்தை நடத்தியதையடுத்து, கலைந்து சென்றனா்.