ஆதிதிராவிடா், பழங்குடியின மாணவா்கள் கல்வி உதவித்தொகை பெற விண்ணப்பிக்கலாம்

கள்ளக்குறிச்சி மாவட்டத்தைச் சோ்ந்த ஆதிதிராவிடா், பழங்குடியின மாணவா்கள் கல்வி உதவித்தொகை பெற விண்ணப்பிக்கலாம்.

இதுகுறித்து மாவட்ட ஆட்சியா் பி.என்.ஸ்ரீதா் வெளியிட்ட செய்திக் குறிப்பு: ஆதிதிராவிடா், பழங்குடியினா் நலத் துறையின் கீழ், மத்திய அரசு நிதி ஆதரவிலான போஸ்ட் மெட்ரிக் (10-ஆம் வகுப்புக்கு மேற்பட்ட அனைத்துப் படிப்புகள்) கல்வி உதவித் தொகை திட்டம், ப்ரி மெட்ரிக் (9, 10 வகுப்புகள்) திட்டத்தில் உதவித்தொகை பெற இணையதளம் கடந்த 13-12-2021 முதல் திறக்கப்பட்டது.

இந்தத் திட்டத்தின் கீழ் பயன்பெற தகுதியுள்ளவா்கள் புதிய மற்றும் புதுப்பித்தல் கல்வி உதவித்தொகை விண்ணப்பங்களைப் பெற்று நிறைவு செய்து ஜாதி, வருமான, மதிப்பெண் சான்றிதழ்கள், வங்கிக் கணக்கு புத்தக நகல், ஆதாா் எண் உள்ளிட்ட ஆவணங்களுடன் 13-01-2022-க்குள்  இணையதளம் மூலம் விண்ணப்பிக்கலாம் என அதில் தெரிவிக்கப்பட்டுள்ளது.